Sardar 2: కార్తీ హీరోగా పీఎస్‌ మిత్రన్ దర్శకత్వంలో తెరకెక్కించిన స్పై థ్రిల్ల‌ర్‌ సినిమా ‘సర్దార్‌’. ప్రిన్స్ పిక్చర్స్ బ్యానర్‌ పై ఎస్. లక్ష్మణ్ కుమార్ నిర్మించిన ఈ సినిమాలో కార్తీ, రాశి ఖన్నా, రజిషా విజయన్,చుంకి పాండే ప్రధాన పాత్రల్లో నటించారు. తెలుగులో అన్నపూర్ణ స్టూడియోస్ సంస్థ విడుదల చేసింది. 2022 అక్టోబర్ 21న విడుదలైన ఈ సినిమాలో కార్తి… పోలీసు అధికారిగా, రా ఏజెంటుగా తన నటనతో ప్రేక్షకులను విశేషంగా ఆకట్టుకున్నారు. బాక్సాఫీసు వద్ద భారీ విజయం అందుకున్న ఈ సినిమాకు సీక్వెల్ ఉంటుందని క్లైమాక్స్ లోనే దర్శకుడు హింట్ ఇచ్చాడు. దీనితో ‘సర్దార్‌’ సీక్వెల్ కోసం కార్తీ అభిమానులు ఆశక్తిగా ఎదురుచూస్తున్నారు.
Sardar 2 Movie Updates
‘సర్దార్‌’ కు సీక్వెల్ గా ‘సర్దార్‌ 2’ను నిర్మించడానికి దర్శకుడు పిఎస్ మిత్రన్ బిజీగా ఉన్నట్లు తెలుస్తోంది. ఇప్పటికే కార్తీతో పలుమార్లు స్టోరీ సిట్టింగ్ వేసిన దర్శకుడు ఈ సినిమా షూటింగ్ ను జూన్‌ లో ప్రారంభించడానికి సన్నాహాలు చేస్తున్నట్లు తెలుస్తోంది. ‘‘రాబోయే ప్రాజెక్టులో కార్తి మరింత భిన్నంగా కనిపిస్తారు. అందుకు అనుగుణంగా స్క్రిప్టులో చాలా మార్పులు చేస్తున్నారు. మాదక ద్రవ్యాలు, మహిళల అక్రమ రవాణా నేపథ్యంలో ‘సర్దార్‌ 2’ ను తెరకెక్కించనున్నారు. చెడు అలవాట్ల వల్ల కలిగే దుష్ఫలితాలపై యువతకు అవగాహన కలిగించేలా ఈ చిత్రాన్ని తీర్చిదిద్దాలనుకుంటున్నారు. పూర్వ నిర్మాణానంతర పనులు ముగింపు దశలో ఉన్నాయి’’ అని సన్నిహితవర్గాలు తెలిపాయి. ప్రస్తుతం కార్తీ ‘వా వతియారే’ షూటింగ్ లో బిజీగా ఉన్నాడు.
Also Read : Sahya Movie : మైథలాజికల్ మూవీ ‘సహ్య’ ఫస్ట్ లుక్ రిలీజ్ చేసిన యాక్షన్ కింగ్ అర్జున్