Karthi: తెలుగు,తమిళం అని తేడా లేకుండా వైవిధ్యమైన కథలను ఎంచుకుంటూ వరుస సినిమాలతో దూసుకుపోతున్న యువ హీరో కార్తి. గతేడాది ‘జపాన్‌’తో ప్రేక్షకుల ముందుకొచ్చిన కార్తి ఇప్పుడు కొత్త చిత్రంతో రాబోతున్నారు. కార్తి హీరోగా నలన్‌ కుమారస్వామి దర్శకత్వంలో ‘వా వాతియార్‌’ అనే సినిమాలో నటిస్తున్నారు. యాక్షన్‌ కామెడీ ఎంటర్‌టైనర్ గా తెరకెక్కిస్తున్న ఈ సినిమాలో కృతి శెట్టి కథానాయికగా నటిస్తుండగా… ఈ సినిమాను కేఈ. జ్ఞానవేల్‌రాజా నిర్మిస్తున్నారు. కృతి శెట్టి కథానాయిక.
Karthi Movie Updates
తాజాగా ‘వా వాతియార్‌’ సినిమా నుంచి కార్తి ఫస్ట్ లుక్ ని సామాజిక మాధ్యమాల వేదికగా చిత్ర యూనిట్ విడుదల చేసింది. పోలీసు అవతారంలో ఉన్న కార్తి, ఆయన వెనకాల తమిళ అగ్రనటుడు ఎంజీఆర్‌ వేసిన అనేక గెటప్పులు ఉన్నాయి. దీనితో ఆసక్తిగా ఉన్న ఈ పోస్టర్ సినిమాపై ఒక్కసారిగా అంచనాలను పెంచుతోంది. పోస్టర్ ను బట్టి చూస్తే ఈ సినిమాలో ఎంజీఆర్‌ అభిమానిగా కార్తి కనిపించనున్నట్లు తెలుస్తోంది. ప్రస్తుతం ఈ పోస్టర్ నెట్టింట వైరల్ గా మారుతోంది.
Also Read : Kalki 2898 AD Updates : నెట్టింట వైరల్ అవుతున్న దీపికా నటించిన ‘కల్కి న్యూ లుక్