కమల్- మణిరత్నం.. ‘థగ్‌ లైఫ్‌’
Kamal Hasan : క్రేజీ కాంబో మణిరత్నం-కమల్ హాసన్ లు సుమారు 36 ఏళ్ళ తరువాత ప్రేక్షకుల ముందుకు వస్తున్న కమల్-234 సినిమాకు ‘థగ్‌ లైఫ్‌’ టైటిల్ ను ఖరారు చేసారు. రాజ్‌ కమల్ ఫిల్మ్స్‌ ఇంటర్నేషనల్‌, మద్రాస్‌ టాకీస్‌ సంస్థలు సంయుక్తంగా నిర్మిస్తున్న ఈ సినిమా టైటిల్ ను కమల్ హాసన్ పుట్టిన రోజు సందర్భంగా మంగళవారం విడుదల చేసారు. ‘‘నా పేరు రంగరాయ శక్తివేల్‌ నాయకర్‌. నాది కాయల్‌ పట్టణం. నేనొక క్రిమినల్‌.. దొంగ.. గ్యాంగ్‌స్టర్‌’’ అంటూ కమల్ డైలాగ్ తో మొదలైన ఈ టీజర్ అద్యంతం ఆశక్తికరంగా సాగింది. ‘‘చావు నన్ను వెతుక్కుంటూ రావడం ఇదే మొదటి సారి కాదు. అలాగే ఆఖరి సారి కూడా కాదు’’ అంటున్న కమల్ హాసన్ సుమారు 36 ఏళ్ళ తరువాత మణిరత్నం డైరెక్షన్ లో నటించబోతున్నారు. దుల్కర్‌ సల్మాన్‌, జయం రవి కీలక పాత్రలు పోషిస్తున్న ఈ సినిమాలో త్రిష కథానాయిక. ఏఆర్ రెహమాన్ సంగీతమందిస్తుండగా రవి కె చంద్రన్ ఛాయాగ్రాహకుడిగా వ్యవహరిస్తున్నారు.
Kamal Hasan – 36ఏళ్ళ తరువాత మళ్ళీ మణిరత్నంతో కమల్
1987లో మణిరత్నం దర్శకత్వంలో తెరకెక్కిన ‘నాయకన్‌’ (తెలుగులో నాయకుడు) అప్పట్లో ఓ సంచలనం. ఓ గ్యాంగ్‌స్టర్‌ జీవితాధారంగా రూపొందిన ఆ సినిమా ఘన విజయం సాధించింది. మణిరత్నం, కమల్(Kamal Hasan) కెరీర్‌లో ఓ మైలురాయిగా నిలిచింది. సుజాత ఫిలిమ్స్ నిర్మించిన ఈ సినిమాలో కమల్ సరసన శరణ్య నటించగా… ఇళయరాజా సంగీతం, పిసి శ్రీరామ్ సినిమాటోగ్రఫీ అందించారు. అయితే ‘థగ్‌ లైఫ్‌’ సినిమాతో మరోసారి జతకట్టబోతున్న కమల్-మణిరత్నం ల కాంబోను మాత్రం ఈ సారి రాజ్‌ కమల్ ఫిల్మ్స్‌ ఇంటర్నేషనల్‌, మద్రాస్‌ టాకీస్‌ సంస్థలు సంయుక్తంగా తెరకెక్కించబోతున్నాయి. అంతేకాదు ఇళయరాజా ప్లేస్ లో ఏఆర్ రెహమాన్, పిసి శ్రీరామ్ ప్లేస్ లో రవి కె చంద్రన్ సినిమాటోగ్రాఫర్ గా చిత్ర నిర్మాణ సంస్థలు ఎంపిక చేసాయి.
నాయకుడు తర్వాత సుమారు 36 ఏళ్ళకు కమల్, మణిరత్నం కాంబోలో వస్తున్న చిత్రం ‘థగ్‌ లైఫ్‌’ కావడంతో ఈ సినిమాపై ప్రేక్షకుల్లో భారీ అంచనాలున్నాయి.
Also Read : Anuskha: భాగమతి-2 గా వస్తున్న అనుష్క