Kamal Hasan: ప్రముఖ దర్శకుడు మణిరత్నం… లోక నాయకుడు కమల్ హాసన్ లక్రేజీ కాంబో వస్తున్న తాజా సినిమా ‘థగ్‌ లైఫ్‌’. సుమారు 36 ఏళ్ళ తరువాత వీరి కాంబినేషన్ లో వస్తున్న ఈ సినిమాను కమల్ హాసన్ కు చెందిన రాజ్‌ కమల్ ఫిల్మ్స్‌ ఇంటర్నేషనల్‌, మణిరత్నంకు చెందిన మద్రాస్‌ టాకీస్‌, రెడ్‌ జెయింట్‌ మూవీస్‌ సంస్థలు సంయుక్తంగా నిర్మిస్తున్నాయి. అస్కార్ విన్నర్ ఏఆర్ రెహమాన్ సంగీతం అందిస్తున్న ఈ సినిమాలో కోలీవుడ్ స్టార్ హీరో శింబు, దక్షిణాది భాషల అగ్ర నటి త్రిష కీలక పాత్రలు పోషించగా పలువురు జాతీయ అవార్డు గ్రహీతలు టెక్నీషియన్స్ గా వర్క్ చేస్తున్నట్లు గతంలో చిత్ర యూనిట్ ప్రకటించింది. ఈ సినిమాకు సంబంధించి ఇప్పటికే విడుదల చేసిన ఫస్ట్ లుక్, టీజర్ కు మంచి స్పందన వచ్చింది.
Kamal Hasan Write
అయితే ఈ సినిమా కథానాయకుడు కమల్ హాసన్(Kamal Hasan)… తన విలక్షణమైన నటనతోనే కాదు… దర్శక నిర్మాతగా, స్క్రిప్ట్‌ రచయితగా, గాయకుడిగానూ గతంలో మెప్పించారు. తాజాగా ‘థగ్‌ లైఫ్‌’ సినిమా కోసం కమల్ హాసన్ గీత రచయితగా మరోసారి ప్రయోగం చేశారు. తాజాగా ఈ సినిమాలోని ఓ పాటను కమల్ రాసినట్లు చిత్ర యూనిట్ తెలిపింది. అంతేకాదు ఈ పాటను రాసి, రికార్డ్‌ చేయడానికి కేవలం రెండు గంటల సమయమే తీసుకున్నారట. ఇప్పటికే ఎన్నో గీతాలను కమల్ స్వయంగా రాసి, పాడిన సంగతి తెలిసిందే. శింబు కీలక పాత్ర పోషిస్తున్న ఈ సినిమాకి ఏఆర్ రెహమాన్ సంగీతమందిస్తున్నారు.
Also Read : Thandel: చైతన్య కెరీర్ లో అతిపెద్ద డీల్ ‘తండేల్’ సినిమాకే !