Kalyan Ram: జయాపజాలతో సంబందం లేకుండా విలక్షణమైన సినిమాలు, పాత్రలతో… తనకంటూ ప్రత్యేకమైన గుర్తింపు తెచ్చుకున్న నందమూరి వారసుడు కళ్యాణ్ రామ్. ‘బింబిసార’ బ్లాక్ బస్టర్ తరువాత అభిషేక్ పిక్చర్స్ బ్యానర్ పై అభిషేక్ నామా దర్శకత్వంలో నందమూరి కళ్యాణ్ రామ్ నటిస్తున్న తాజా సినిమా ‘డెవిల్‌’. కళ్యాణ్ రామ్(Kalyan Ram) సరసన సంయుక్త మీనన్ నటించగా… హర్షవర్ధన్ రామేశ్వర్ ఈ సినిమాకు సంగీతం అందిస్తున్నారు.
స్వాతంత్య్రానికి పూర్వం మద్రాస్‌ ప్రెసిడెన్సీ నేపథ్యంలో సాగే ఆసక్తికర కథాంశంతో పీరియాడికల్ స్పై థ్రిల్లర్‌ గా రూపొందుతున్న ఈ సినిమాకు సంబందించి విడుదల చేసిన టీజర్, మాయ చేసావే అనే ఫస్ట్ సింగిల్ కు మంచి స్పందన వస్తుంది. ఈ నేపథ్యంలో చిత్ర యూనిట్ ‘దిస్‌ ఈజ్‌ లేడీ రోజీ’ అనే సెకండ్ సింగిల్ ను విడుదల చేసింది.
Kalyan Ram – ‘జవాన్’ టైటిల్ సాంగ్ సింగర్ రాజకుమారి ఆలపించిన ‘దిస్‌ ఈజ్‌ లేడీ రోజీ’ పాట
ప్రస్తుతం పోస్ట్ ప్రొడక్షన్ పనుల్లో బిజీగా ఉన్న చిత్ర యూనిట్ ఈ సినిమకు సంబంధించి రెండో పాట ‘దిస్‌ ఈజ్‌ లేడీ రోజీ’ విడుదల చేశారు. బాలీవుడ్ బ్యూటీ ఎల్నాజ్‌తో ‘‘డ్యాన్స్‌ డ్యాన్స్‌ మళ్లీ కొత్తగా.. డ్యాన్స్‌ డ్యాన్స్‌ కొంచెం మత్తుగా.. డ్యాన్స్‌ డ్యాన్స్‌ దిస్‌ ఈజ్‌ లేడీ రోజీ’’ అంటూ కళ్యాణ్ రామ్ స్టెప్పులు వేస్తున్న ఈ పాటకు శ్రీహర్ష ఇమాని సాహిత్యమందించగా… ‘జవాన్’ టైటిల్ తో ఆకట్టుకున్న లేటెస్ట్ సింగింగ్ సన్సేషన్ రాజకుమారి ఆలపించారు. ప్రస్తుతం ఈ పాట సోషల్ మీడియాలో ట్రెండింగ్ లో కొనసాగుతోంది.
అభిషేక్ పిక్చర్స్ బ్యానర్ పై నిర్మిస్తున్న ఈ సినిమాకు శ్రీకాంత్ విస్సా… కథ, మాటలు, స్క్రీన్ ప్లే అందించగా సౌందర్ రాజన్ సినిమాటోగ్రాఫర్ గా పనిచేస్తున్నారు. ‘బింబిసార’ బ్లాక్ బస్టర్ తరువాత ‘అమిగోస్’ తో ప్రేక్షకులను నిరాశపరచిన కళ్యాణ్ రామ్… ‘డెవిల్‌’ పై భారీగా ఆశలు పెట్టుకున్నారు.
Also Read : Kriti Sanon: బన్నీ కోసం బాలీవుడ్ బ్యూటీ ఆరాటం