Kalki 2898 AD : ‘సలార్’ బ్లాక్ బస్టర్ తర్వాత, పాన్ ఇండియా స్టార్ ప్రభాస్ ‘కల్కి, 2898 AD’ చిత్రాన్ని రిలీజ్ కి ప్లాన్ చేస్తున్నారు. మహానటి ఫేమ్ నాగ్ అశ్విన్ దర్శకత్వం వహిస్తున్న ఈ సినిమాలో బాలీవుడ్ స్టార్ హీరోయిన్ దీపికా పదుకొణె హీరోయిన్ గా నటిస్తోంది. సైన్స్ ఫిక్షన్ జోనర్‌లో రూపొందుతున్న ఈ చిత్రంలో అమితాబ్ బచ్చన్, కమల్ హాసన్, దిశా పటాని వంటి స్టార్ నటీనటులు కీలక పాత్రలు పోషిస్తున్నారు. ఇప్పటికే ఈ సినిమా నుంచి విడుదలైన గ్లింప్స్ ఓ రేంజ్‌లో వైరల్ అవుతుంది.
Kalki 2898 AD Updates Viral
అయితే గత కొన్ని రోజులుగా ఈ సినిమా రిలీజ్ డేట్ పై వార్తలు శరవేగంగా వ్యాపించిన సంగతి తెలిసిందే. అయితే వచ్చిన వార్తల ప్రకారం, ఈ చిత్రాన్ని మే 9 న థియేటర్లలో విడుదల చేయడానికి ప్లాన్ చేస్తున్నట్లు మేకర్స్ అధికారికంగా ప్రకటించారు. వైజయంతీ మూవీస్ బ్యానర్‌పై వచ్చిన ట్రెండ్‌సెట్టర్స్ ‘జగదేకవీరుడు అతిలోక సుందరి’, ‘మహానటి’ ఇదే రోజు విడుదల కావడం అద్భుతం. మరి ఈ అభిప్రాయం కల్కికి(Kalki 2898 AD) ఫలిస్తుందో లేదో చూద్దాం. విజయవాడలోని ఓ మల్టీప్లెక్స్‌లో రైడర్స్ గేటప్ లో సినిమాని ప్రమోట్ చేస్తున్న వీడియో వైరల్ అవుతోంది.
ఇప్పటికే విడుదలైన ఈ చిత్రానికి సంబంధించిన పోస్టర్లు, గ్లింప్స్ ప్రేక్షకుల్లో విపరీతమైన బజ్ క్రియేట్ చేశాయి. కల్కి టీజర్‌కి సెన్సార్ బోర్డు యూఏ సర్టిఫికెట్ ఇచ్చింది. టీజర్ టైమ్ 1 నిమిషం 23 సెకన్లు. సి అశ్వనీదత్ వైజయంతీ మూవీస్ బ్యానర్‌పై 500 కోట్లకు పైగా బడ్జెట్‌తో ఈ చిత్రాన్ని నిర్మించారు. ‘కల్కి’ ట్రైలర్‌ని ఏప్రిల్ 1, 2024 తేదీన విడుదల చేయనున్నట్లు మేకర్స్ ఇప్పటికే వెల్లడించారు. ఈ చిత్రానికి సంతోష్ నారాయణన్ సంగీతం సమకూరుస్తున్నారు. ప్రముఖ OTT కంపెనీ నెట్‌ఫ్లిక్స్ ఈ సినిమా డిజిటల్ హక్కులను సొంతం చేసుకున్న సంగతి తెలిసిందే.
Also Read : Mahesh Babu: అభిమానులతో కలిసి ‘గుంటూరు కారం’ చూసిన మహేష్ బాబు !