Ka Movie : కాస్త గ్యాప్ త‌ర్వాత హీరో కిరణ్ అబ్బవరం(Kiran Abbavaram) నటిస్తున్న భారీ పీరియాడిక్ థ్రిల్లర్ సినిమా. నయన్ సారిక, తన్వీ రామ్ హీరోయిన్లుగా నటించారు. దర్శక ద్వయం సుజీత్, సందీప్ విలేజ్ బ్యాక్ డ్రాప్ యాక్షన్ థ్రిల్లర్ కథతో ఈ సినిమాను తెరకెక్కించారు. ఈ నెల 31న దీపా‌వళి పండుగ సందర్భంగా తెలుగుతో పాటు తమిళ, మలయాళ, కన్నడలో గ్రాండ్ థియేట్రికల్ రిలీజ్‌కు ఈ సినిమా రెడీ అయింది. అయితే అనేక అవాంత‌రాల‌ను దాటుకుని ఎట్ట‌కేల‌కు శుక్ర‌వారం ఉద‌యం ఈ మూవీ ట్రైలర్ రిలీజైంది. ఎట్ట‌కేల‌కు విడుద‌లైంది.
Ka Movie Trailer..
ఈ ట్రైల‌ర్‌ను చూస్తే కిరణ్ ఈ సారి మంచి విజ‌యాన్నే అందుకునేలా క‌నిపిస్తోంది. ట్రైలర్ అసాంతం యూనిక్ యాక్షన్ థ్రిల్లర్ ఎలిమెంట్స్ తో ఆకట్టుకుంటోంది. ఆరంభ‌మే చుట్టూ కొండల మధ్య ఉన్న కృష్ణగిరి అనే అందమైన ఊరిలో పోస్ట్ మ్యాన్ గా పనిచేస్తుంటాడు అభినయ వాసుదేవ్. మధ్యాహ్నమే చీకటి పడే ఆ ఊరు భౌగోళికంగా ఎంతో ప్రత్యేకం. అక్కడ సత్యభామ అనే అందమైన అమ్మాయితో ప్రేమలో పడతాడు వాసుదేవ్. ఉత్తరాలు పంచే క్రమంలో 1979 ఏప్రిల్ 22న అభిషేక్ పేరుతో వచ్చిన ఉత్తరం వాసుదేవ్ జీవితాన్ని మలుపు తిప్పుతుంది.
ఆ ఉత్తరంలో ఏముందో చెప్పమంటూ ఓ ముసుగు వ్యక్తి వాసుదేవ్ ను బెదిరిస్తాడు. ఆ ఉత్తరంలో ఏముంది ?, వాసుదేవ్ ను ఆ ముసుగు వ్యక్తి, అతని గ్యాంగ్ ఎందుకు వెంటాడుతున్నారు ? అనే అంశాలు ఆసక్తిని కలిగించాయి. ట్రైలర్ చివరలో ‘జాతర మొదలుపెడదామా..’ అంటూ ముసుగు వ్యక్తిగా వాసుదేవ్ రావడం సర్ ప్రైజ్ ట్విస్ట్ ఇచ్చింది. గ్రిప్పింగ్ సస్పెన్స్ యాక్షన్ థ్రిల్లర్ గా “క” సినిమా ఉండబోతున్నట్లు ట్రైలర్ తో తెలుస్తోంది. ట్రైలర్ లో హై క్వాలిటీ ప్రొడక్షన్ వ్యాల్యూస్,సంగీతం ఆకట్టుకుంటున్నాయి.
Also Read : Mokshagna : బాలయ్య తనయుడు మోక్షజ్ఞ కు జోడీగా ఆ స్టార్ హీరోయిన్ కూతురా..