Jyothika Amma Vodi: డ్రీమ్ వారియర్ పిక్చర్స్ బ్యానర్ పై ఎస్ ఆర్ ప్రకాష్ ఎస్ ఆర్ ప్రభు నిర్మించిన తమిళ సినిమా “రాక్షసి”. ఎస్ వై గౌతమ్ రాజ్ దర్శకత్వంలో కోలీవుడ్ స్టార్ హీరోయిన్ జ్యోతిక ప్రధాన పాత్రలో నటించిన ఈ సినిమాలో నాగినీడు హరీష్ పేరడీ, పూర్ణిమ భాగ్యరాజ్ ముఖ్యపాత్రలు పోషించారు. సుమారు ఐదేళ్ల క్రితం తమిళనాట విడుదలైన ఈ సినిమా భారీ విజయాన్ని అందుకుంది. ప్రభుత్వ పాఠశాలల రూపురేఖలను మార్చే టీచర్ గా జ్యోతిగా… జ్యోతిక చూపించగా… విద్యా వ్యవస్థను భ్రష్టు పట్టించే వారికి మాత్రం… ఆమెను ఒక రాక్షసిగా చూపించారు. ఈ నేపథ్యంలో ఈ సినిమా తమిళనాట బ్లక్ బస్టర్ విజయం సాధించిది.
Jyothika Amma Vodi Movie Updates
దీనితో దాదాపు ఐదేళ్ళ తరువాత ఈ సినిమాను తెలుగులో “అమ్మ ఒడి” టైటిల్ తో విడుదల చేయడానికి సన్నాహాలు చేస్తున్నారు. వడ్డి రామానుజం, వల్లెం శేషారెడ్డిలు సంయుక్తంగా తెలుగులో గ్రాండ్ గా రిలీజ్ చేస్తున్న ఈ సినిమాకు సంబంధిచిన ట్రైలర్ ను విడుదల చేసారు. విద్యా వ్యవస్థను భ్రష్టు పట్టించే వారికి ఆమె ఒక రాక్షసి అంటూ జ్యోతిక(Jyothika) పాత్రను పరిచయం చేయడం సినిమాపై ఆసక్తిని పెంచుతుంది.
ఈ సందర్భంగా వడ్డి రామానుజమ్, వల్లెం శేషారెడ్డి మాట్లాడుతూ..”తెలుగు ట్రైలర్ కు మంచి స్పందన వస్తుంది. తమిళంలో విజయం సాధించిన ఈ చిత్రం తెలుగులోనూ సక్సెస్ సాధిస్తుందని నమ్మకం ఉంది. విద్యా వ్యవస్థలోని లోటుపాట్లను చూపించేలా ఈ చిత్రాన్ని దర్శకుడు గౌతమ్ రాజ్ అద్భుతంగా రూపొందించారు. డబ్బింగ్ మరియు సెన్సార్ కార్యక్రమాలను పూర్తి చేసి త్వరలోనే సినిమా రిలీజ్ డేట్ ను ప్రకటిస్తాం” అని తెలిపారు. “అమ్మ ఒడి” అనేది ఏపీలో అధికారంలో ఉన్న వైసీపీ ప్రభుత్వం అమలుచేస్తున్న నవరత్నాలులో ఓ సంక్షేమ పథకం కావడం… నాడు-నేడు ద్వారా ఏపీ ప్రభుత్వం… ప్రభుత్వ పాఠశాలల రూపురేఖలు మార్చడంతో ఈ సినిమా ట్రైలర్ ను వైసీపీ సోషల్ మీడియా బాగా షేర్ చేస్తుంది.
Also Read : Poacher Updates : ఇక క్రైమ్ స్టోరీ లవర్స్ కి పండగే.. ‘పోచర్’ సిరీస్ రిలీజ్ డేట్ ఫిక్స్