Jr NTR : ‘దేవర’ విజయంతో మంచి జోష్‌లో ఉన్నారు తారక్, కొరటాల టీమ్‌. ఇప్పుడు వారి దృష్టి పార్ట్ -2 పై పడింది. ప్రేక్షకులు కూడా దీని గురించి ఆసక్తిగా ఎదురుచూస్తున్నారు. తాజాగా ఓ ఇంగ్లిష్‌ మీడియాకు ఇచ్చిన ఇంటర్వ్యూలో ఎన్టీఆర్‌ ‘దేవర2’కు సంబంధించిన అప్‌డేట్‌ ఇచ్చారు. ‘ దేవర’ సీక్వెల్‌ ఎప్పుడొస్తుంది అనే ప్రశ్నకు సమాధానమిస్తూ.. ‘‘మొదటి భాగం చిత్రీకరణ సమయంలోనే పార్ట్2లో కొన్ని సన్నివేశాలు షూట్‌ చేశాం. ఫస్ట్‌ పార్ట్ మంచి విజయం సాధించడంతో మాలో మరింత ఉత్సాహం పెరిగింది. బాధ్యత పెరిగింది. ‘ దేవర(Devara)’ కంటే రాబోయే సీక్వెల్‌ ఇంకా బాగుంటుంది. దీన్ని ప్రేక్షకులకు నచ్చేలా తీయడానికి మేం కొంత సమయం తీసుకోవాలనుకుంటున్నాం. ఇప్పటికే దీనికి సంబంధించిన కథ రెడీగా ఉంది. దానిని ఇంకా బెటర్‌గా షేపప్‌ చేయాలి. కొరటాల శివ దీనికోసం ఎంతో కష్టపడ్డారు. అందుకే ఓ నెలన్నర పాటు విశ్రాంతి తీసుకోమని చెప్పా. ఏమీ ఆలోచించకుండా ఎక్కడికైనా వెళ్లి ఎంజాయ్‌ చేసి రమ్మన్నాను. ఆ హాలీడేస్‌ నుంచి వచ్చాక మిగతా పనులు మొదలుపెడతాం’’ అని అన్నారు.
Jr NTR Comment
అలాగే టూర్స్‌ గురించి మాట్లాడారు తారక్. లాస్‌ ఏంజెలెస్‌ తనకు మరో హోంటౌన్‌ అని ఎన్టీఆర్‌ అన్నారు. ‘ ఆర్‌ఆర్‌ఆర్‌’ సినిమా తర్వాత ఆ ప్రాంతం తన మనసుకు మరింత దగ్గరైందన్నారు. ‘ దేవర’ విడుదల సమయంలో నేను విదేశాల్లో ఉన్నా. లాస్‌ ఏంజెల్స్‌లో జరిగిన బియాండ్‌ ఫెస్టివల్‌లో దేవర ప్రదర్శన కోసం వెళ్లా. 24 ఏళ్ల సినీ కెరీర్‌లో నా సినిమా రిలీజ్‌ రోజు ఇంట్లో లేకుండా ఉండడం మొదటిసారి అని తెలినారు. ఈ చిత్రం దాదాపు రూ.405 కోట్లు వసూలు చేసిందని మేకర్స్‌ చెబుతున్నారు. కొరటాల శివ దర్శకత్వంలో ఎన్టీఆర్‌ డ్యూయల్‌ రోల్‌ చేసిన ఈ చిత్రంతో జాన్వీ కపూర్‌ తెలుగుతెరకు పరిచయమయ్యారు.
Also Read : Lokesh Kanagaraj : రజనీకాంత్ ఆరోగ్యం పై జైలర్ డైరెక్టర్ కీలక వ్యాఖ్యలు