Jr NTR : దేవర సినిమాతో బ్లాక్‌బస్టర్ అందుకున్న తారక్ ప్రస్తుతం స్ట్రాంగ్ లైనప్‌తో ఫ్యాన్స్ ని ఫుల్ ఖుషి చేస్తున్నాడు. ప్రస్తుతం ఆయన వార్ 2, ప్రశాంత్ నీల్ సినిమాలతో బిజీగా ఉన్నాడు. అయితే ఈ రెండు సినిమాలు ఎనిమిది నెలల్లో కంప్లీట్ కానున్నాయి. ఈ నేపథ్యంలోనే తారక్ నెక్స్ట్ డైరెక్టర్ ఎవరంటూ సర్వత్రా ఆసక్తి నెలకొంది. కాగా, కోలీవుడ్‌లో వరుస బ్లాక్ బస్టర్స్‌తో నేషనల్ వైడ్‌గా క్రేజ్ సంపాదించుకున్న ఓ డైరెక్టర్‌తో ఎన్టీయార్(Jr NTR) వర్క్ చేయనున్నట్లు సమాచారం.
Jr NTR Movie Updates
కోలీవుడ్‌లోయావరేజ్ సినిమాలతో డీలా పడిన సూపర్ స్టార్ రజినీకాంత్ కెరీర్ ని ‘జైలర్(Jailer)’ సినిమాతో బూస్ట్ అందించిన డైరెక్టర్ నెల్సన్ దిలీప్‌కుమార్. ‘బ్లడీ బెగ్గర్‌’ ‘డాక్టర్’, ‘బీస్ట్’ వంటి చిత్రాలతో ఇండియన్ సినీ ఇండస్ట్రీలో సరికొత్త ప్రయోగాలతో ఆయన మంచి పేరు తెచ్చుకున్నారు. ప్రస్తుతం ఆయన ‘జైలర్ 2’ సినిమాతో బిజీగా ఉన్నారు. అయితే తారక్ వార్ 2, నీల్ సినిమాలు పూర్తయేలోపు నెల్సన్ కూడా ఫ్రీ కానున్నాడు. ఈ క్రమంలోనే వీరిద్దరూ కలిసి ఒక ప్రాజెక్ట్ చేయనున్నారని టాక్ వినిపిస్తోంది.
మరోవైపు‘వార్ 2’ కోసం మరో కొత్త వార్త చక్కర్లు కొడుతోంది. ఈ సినిమాకు తెలుగులో ఓ కొత్త టైటిల్‌ నిర్ణయించే అవకాశాలు ఉన్నట్టు తెలుస్తోంది. ‘యుద్థభూమి’ అనే టైటిల్‌ ‘వార్ 2’ కోసం రిజిస్టర్‌ చేయించారని వార్తలొస్తున్నాయి. ‘యుద్దభూమి’ అనేది కొత్త టైటిల్‌ ఏం కాదు. గతంలో చిరంజీవి హీరోగా నటించిన ఓ చిత్రానికి ఈ పేరు పెట్టారు. ఈ మధ్యన పాన్‌ ఇండియా సినిమాలకు దేశ వ్యాప్తంగా ఒకే టైటిల్‌ చలామణీలో ఉంటోంది. ఒకే టైటిల్‌ ఉంటే, అన్ని భాషల్లోనూ త్వరగా రీచ్‌ అవుతుందన్నది దర్శక నిర్మాతల ఆలోచన. అందుకే కొన్ని తమిళ సినిమాలు తమిళ టైటిల్‌తోనే దేశ వ్యాప్తంగా విడుదల అవుతున్నాయి. ఇలాంటి తరుణంలో ‘వార్ 2’ కోసం తెలుగులో వేరే టైటిల్‌ పెడతారా? అన్నది చూడాలి.‘వార్’ సినిమా సూపర్ హిట్‌ అయింది. ఇప్పటికే ఆ టైటిల్‌ జనాల్లోకి బాగా వెళ్లిపోయింది. ఇప్పుడు వస్తున్న వార్-2 టైటిల్‌ కూడా ఈజీగా రీచ్‌ అవుతుంది. కాబట్టి టైటిల్‌ మార్చే అవకాశం లేదని మరో పక్క వినిపిస్తోంది. మరి ‘వార్ 2’ దర్శక నిర్మాతల ఆలోచన ఎలా ఉందో చూడాలి.
Also Read : Animal Park : యానిమల్ సీక్వెల్ పై కీలక ఉపాదాట్లు ఇచ్చిన నిర్మాత