Jr NTR : ఇటీవలే దేవర సినిమాతో బ్లాక్ బస్టర్ హిట్ అందుకున్నాడు యంగ్ టైగర్ ఎన్టీఆర్(Jr NTR). డైరెక్టర్ కొరటాల శివ తెరకెక్కించిన ఈ సినిమా పాన్ ఇండియా బాక్సాఫీస్ వద్ద రూ.500 కోట్లకు పైగా కలెక్షన్స్ రాబట్టింది. ఇప్పుడు హిందీలో వార్ 2 చిత్రంలో నటిస్తున్నాడు తారక్. ‘ వార్’ సినిమా సక్సెస్ తర్వాత యశ్ రాజ్ ఫిల్మ్స్ నిర్మాణ సంస్థ ‘వార్ 2’ సినిమాను నిర్మిస్తున్న సంగతి తెలిసిందే. ఇందులో హృతిక్ రోషన్, జూనియర్ ఎన్టీఆర్(Jr NTR), కియారా అద్వానీ నటిస్తున్నారు. అయాన్ ముఖర్జీ దర్శకత్వం వహిస్తున్న ఈ చిత్రానికి యాక్షన్‌కు ఎక్కువ ప్రాధాన్యత ఇస్తున్నాడు. ఈ సినిమా షూటింగ్ ప్రస్తుతం ముంబైలో జరుగుతోంది. ఈ సినిమాలో హృతిక్ అతిథి పాత్రలో కనిపించనున్నాడని సమాచారం.
Jr NTR Movies..
ఇక ఈ సినిమా కోసం యష్ రాజ్ ఫిల్మ్స్ భారీ పెట్టుబడి పెడుతోంది. ఈ చిత్రానికి సంబంధించిన యాక్షన్ సన్నివేశాలను ముంబైలో చిత్రీకరిస్తున్నారు. 40 మందికి పైగా జూనియర్ ఎన్టీఆర్ ఫైట్ చేసే సీన్ ఉంటుందని సమాచారం. ఇప్పటికే ఈ సినిమాలో హృతిక్ పాత్ర హైలెట్ అయింది. కానీ జూనియర్ ఎన్టీఆర్ పాత్ర అలా కాదు. ఈ మూవీలో తారక్ పాత్రను మరింత హైలైట్ చేయడం అత్యవసరం. అందుకే తారక్ పాత్రను పూర్తిగా రా పాత్రలో చూపించాలనుకుంటున్నాడట. మూడు రోజుల పాటు షూటింగ్ జరుపుకోనున్న ఈ చిత్రీకరణలో బిల్డప్ సన్నివేశాల చిత్రీకరణ పూర్తి కానుంది.
యష్ రాజ్ ఫిల్మ్స్ నిర్మిస్తోన్న ఈ స్పై యూనివర్స్ లో వచ్చిన వార్, పఠాన్, టైగర్ చిత్రాలు సూపర్ హిట్ అయ్యాయి. దీంతో ఇప్పుడు వార్ 2 చిత్రంలో షారుఖ్ ఖాన్ అతిధి పాత్రలో కనిపించవచ్చని ఊహాగానాలు వినిపిస్తున్నాయి. ప్రస్తుతం వార్ 2 చిత్రీకరణ శరవేగంగా జరుగుతోంది. వచ్చే ఏడాది మే నెలాఖరులోగా షూటింగ్‌ని పూర్తి చేసేందుకు ప్లాన్ చేస్తున్నారు. 2025లో స్వాతంత్ర్య దినోత్సవం సందర్భంగా ఈ సినిమా విడుదల కానుంది.
Also Read : Unstoppable With NBK : అన్ స్టాపబుల్ షోలో తన అరెస్టుపై స్పందించిన సీఎం చంద్రబాబు