ఒక‌ప్పుడు రూ. 100 కోట్లు ఓ సినిమా క‌లెక్ష‌న్ చేసిందంటే విస్తు పోయే వాళ్లు. కానీ సీన్ మారింది. ఏకంగా రూ. 1,000 కోట్ల మార్క్ ను దాటేందుకు త‌హ త‌హ లాడుతున్నాయి. ఇందులో ప్ర‌త్యేకంగా చెప్పు కోవాల్సింది ఒకే ఒక్క‌డు బాద్ షా షారుక్ ఖాన్.
త‌న‌కు ఈ ఏడాది పంట పండింది అని చెప్ప‌క త‌ప్ప‌దు. దీపికా ప‌దుకొనేతో క‌లిసి చేసిన ప‌ఠాన్ రూ. 1,000 కోట్లు కొల్ల‌గొట్టింది. ఇక తాజాగా త‌మిళ సినీ ద‌ర్శ‌కుడు అట్లీ కుమార్ ద‌ర్శ‌క‌త్వం వ‌హించిన జ‌వాన్ పిచ్చెక్కించేలా చేస్తోంది.
మూవీ మేక‌ర్స్ సైతం విస్తు పోయేలా కోట్లు కొల్లగొడుతోంది. సెప్టెంబ‌ర్ 7న ప్ర‌పంచ వ్యాప్తంగా రిలీజ్ అయింది ఈ మూవీ. షారుక్ ఖాన్ న‌ట‌న, న‌య‌న‌తార అందం, దీపికా పదుకొనే హొయ‌లు వెర‌సి ప్ర‌తినాయ‌కుడి పాత్ర‌లో విజ‌య్ సేతుప‌తి హావ భావాలు మ‌రింత స‌క్సెస్ అయ్యేలా చేశాయి.
ప్ర‌స్తుతం ట్రేడ్ వ‌ర్గాల ప్ర‌కారం జ‌వాన్ చిత్రం రూ. 700 కోట్ల క్ల‌బ్ లోకి ఎంట్రీ ఇచ్చేందుకు రెడీగా ఉంది. విడుద‌లైన తొలి రోజు రూ. 125.05 కోట్లు, 2వ రోజు రూ. 109.24 కోట్లు, 3వ రోజున రూ. 10.17 కోట్లు, 4వ రోజున రూ. 156.80 కోట్లు, 5వ రోజున రూ. 52.39 కోట్లు, 6వ రోజున రూ. 38.21 కోట్లు, 7వ రోజున రూ. 34.06 కోట్లు, 8వ రోజున రూ. 28.79 కోట్లు వ‌సూలు చేసింది జ‌వాన్. మొత్తంగా రూ. 684.71 కోట్లు కొల్ల‌గొట్టింది .