త‌మిళ సినీ డైరెక్ట‌ర్ అట్లీ కుమార్ ద‌ర్శ‌క‌త్వం వ‌హించిన జ‌వాన్ చిత్రం రికార్డుల మోత మోగిస్తోంది. సెప్టెంబ‌ర్ 7న విడుద‌లైంది ప్ర‌పంచ వ్యాప్తంగా. ఇటు భార‌త్ లో అటు ఓవ‌ర్సీస్ లో వ‌సూళ్ల మోత మోగిస్తోంది ఈ చిత్రం.
షారుక్ ఖాన్ త‌న సినీ కెరీర్ లో భారీ స‌క్సెస్ చిత్రంగా నిలిచింది జ‌వాన్ మూవీ. ఈ ఏడాది ఆయ‌న న‌టించిన రెండో మూవీ ఇది. దీపికా ప‌దుకొనేతో క‌లిసి న‌టించిన ప‌ఠాన్ రూ. 1,000 కోట్ల మార్క్ ను సాధించింది. విస్తు పోయేలా చేస్తోంది.
ఇదే స‌మ‌యంలో తాజాగా విడుద‌లైన జ‌వాన్ కేవ‌లం 18 రోజుల్లోనే వేయి కోట్ల క్ల‌బ్ లోకి చేరింది. దీంతో జ‌వాన్ మూవీ టీం సంతోషం వ్య‌క్తం చేసింది. ఈ చిత్రంలో బాద్ షా షారుక్ ఖాన్ తో పాటు న‌య‌న తార, దీపికా ప‌దుకొనే, విజ‌య్ సేతుప‌తి కీల‌క పాత్ర‌ల్లో న‌టించారు.
అయితే ఈ మూవీలో బాద్ షా ద్విపాత్రిభిన‌యం చేశారు. విడుద‌లైన నాటి నుంచి నేటి దాకా వ‌సూళ్ల సునామీ సృష్టిస్తోంది. త‌న స్టామినా, స్టార్ డ‌మ్ ఏనాడూ త‌గ్గ‌లేద‌ని మ‌రోసారి నిరూపించాడు బాలీవుడ్ న‌టుడు షారుక్ ఖాన్.