Janhvi Kapoor: కొరటాల శివ దర్శకత్వంలో యంగ్ టైగర్ ఎన్టీఆర్, బాలీవుడ్ భామ జాన్వీ కపూర్ జంటగా నటిస్తున్న తాజా సినిమా ‘దేవర’. బాలీవుడ్ స్టార్ హీరో సైఫ్ అలీఖాన్ విలన్ గా నటిస్తున్న ఈ సినిమాను సుధాకర్‌ మిక్కిలినేని, కొసరాజు హరికృష్ణ నిర్మాతలుగా ఎన్టీఆర్ ఆర్ట్స్‌ సంస్థ నిర్మిస్తున్నారు. తీరం నేపథ్యంలో సాగే యాక్షన్‌ కథాంశంతో ఇది తెరకెక్కుతోన్న ఈ సినిమాకు మ్యూజిక్ సన్సేషన్ అనిరుధ్‌ సంగీతం అందిస్తున్నారు. రెండు పార్టులుగా విడుదల చేస్తున్న ఈ సినిమాను అక్టోబరు 10న మొదటి పార్టును విడుదల చేస్తున్నట్లు చిత్ర యూనిట్ అధికారికంగా ప్రకటించింది. ఈ సినిమాకు సంబంధించి ఇప్పటికే విడుదల చేసిన ఫస్ట్ లుక్, గ్లింప్స్ కు విపరీతమైన స్పందన వచ్చింది. ఇటీవలే హైదరాబాద్ లో ఓ షెడ్యూల్ పూర్తి చేసుకున్న ఈ సినిమా… ప్రస్తుతం గోవాలో షూటింగ్ జరపుకుంటోంది.
Janhvi Kapoor Movies
అతిలోక సుందరి శ్రీదేవి కుమార్తె, బాలీవుడ్ భామ జాన్వీకపూర్(Janhvi Kapoor)…. ఈ ‘దేవర’ సినిమాలో ‘తంగం’ అనే పాత్ర పోషిస్తున్నారు. ఈ నేపథ్యంలో ఇటీవల గోవాలో ప్రారంభమైన కొత్త షెడ్యూల్‌లో పాల్గొంటున్నట్లు జాన్వీకపూర్ తన ఇన్ స్టాగ్రామ్‌ ద్వారా తెలిపారు. ‘‘మరోసారి తంగం పాత్రలోకి వచ్చేందుకు ఇక వేచి ఉండలేను’’ అంటూ ఆమె తన ఇన్ స్టాలో పోస్ట్‌ చేసారు. దీనితో జాన్వీ పెట్టిన పోస్టు ఇప్పుడు నెట్టింట వైరల్ గా మారుతోంది. మరోవైపు వెల్ కమ్ బ్యాక్ జాన్వీ, తంగం అంటూ ఎన్టీఆర్ అభిమానులు కామెంట్లు పెడుతున్నారు. గ్లోబల్ స్టార్ రామ్‌ చరణ్‌, ఉప్పెన ఫేం బుచ్చిబాబు సానా కాంబినేషన్‌ లో తెరకెక్కిస్తున్న “RC16” లో జాన్వీ కపూర్ నటించనున్నారు. మైత్రీ మూవీమేకర్స్‌, వృద్ధి సినిమాస్‌, సుకుమార్‌ రైటింగ్స్‌ సంస్థలు దీనిని నిర్మిస్తున్నాయి. ఏఆర్‌ రెహమాన్‌ దీనికి స్వరాలు అందిస్తున్న ఈ సినిమాకు ఇటీవల హైదరాబాద్‌లో పూజా కార్యక్రమం జరిగింది.
Also Read : Ranbir Kapoor : రామాయణం కోసం విలువిద్యలు నేర్చుకుంటున్న రన్బీర్