Rocking Rakesh : జబర్దస్త్ కామెడీయన్ రాకింగ్ రాకేష్ హీరోగా నటిస్తున్న మూవీ ‘కేశవ చంద్ర రమావత్’ (కెసిఆర్). గ్రీన్ ట్రీ ప్రొడక్షన్స్ నిర్మిస్తున్న ఈ మూవీకి గరుడవేగ అంజి దర్శకత్వం వహిస్తున్నారు. అన్నన్య కృష్ణన్ కథానాయికగా నటిస్తున్నారు. రాకింగ్ రాకేష్(Rocking Rakesh) స్వయంగా నిర్మించిన ఈ చిత్రం లంబాడీ వర్గానికి చెందిన యువకుడి రియల్ లైఫ్ నుంచి స్ఫూర్తి పొందింది.రాకేష్ తన ఇంటిని తాకట్టు పెట్టి మరి రాకేష్ ఈ సినిమాని ప్రొడ్యూస్ చేస్తున్నారు. ఈ సినిమా శుక్రవారం(నవంబర్ 22)న ప్రేక్షకుల ముందుకు రానుంది.
Rocking Rakesh Sticking..
అయితే ఈ సినిమాని ప్రమోట్ చేయడానికి రాకేష్ చాలా కష్టపడుతున్నారు. ఇప్పటికే తెలంగాణ మాజీ మంత్రి హ‌రీష్ రావు, ఏపీ మాజీ మంత్రి రోజా, హైపర్ ఆది త‌దిత‌రులు ఈ మూవీ ప్రీ రిలీజ్ ఈవెంట్‌కు హాజరై బజ్ క్రియేట్ అయ్యేలా చేశారు. కాగా, ప్రమోషన్స్‌కి డబ్బులు మిగలకపోవడంతో రాకేష్ ఆయన సినిమా పోస్టర్‌లను ఆయన గోడలకి అంటించుకుంటూ కనపడ్డారు. బుధవారం రాత్రి ఈ దృశ్యాలు మీడియా కంటిలో పడటంతో సోషల్ మీడియాలో ఫోటోలు వైరల్ అవుతున్నాయి. దీంతో రాకేష్ సినిమాపై ఆడియెన్స్‌లో సానుభూతి ఏర్పడుతుంది. కొందరు ఇది కూడా ఒకరకమైన ప్రమోషన్ కావొచ్చు అని కామెంట్ చేస్తున్నారు. అయితే ఈ సినిమా ఎప్పుడో రిలీజ్ కావాల్సి ఉంది కానీ థియేటర్ లు సర్దుబాటు కాకపోవడంతో ఇన్ని రోజులు ఆగాల్సి వచ్చింది. మరోవైపు రాకేష్ భార్య యాంకర్, నటి జోర్దార్ సుజాత కూడా ప్రమోషన్స్‌లో జోరుగా పాల్గొంటున్నారు.
Also Read : Srikanth Iyengar : 54 ఏళ్ల వయసులో నటి జ్యోతిని పెళ్లాడనున్న ఆ నటుడు