కొన్ని సినిమాలు ఊహించ‌ని విధంగా ఆక‌ట్టుకుంటాయి. అలాంటి వాటిలో వచ్చిందే త‌మిళ సినిమా ఇరుగ‌పాట్రు. ప్రేమ, సంబంధాల మేలు క‌ల‌యిక‌పై ఎక్కువ‌గా ఫోక‌స్ చేసిన మూవీ ఇది. ద‌ర్శ‌కుడి ప్ర‌తిభ‌కు ఈ చిత్రం ఓ సింబ‌ల్ గా మిగిలి పోతుంద‌ని చెప్ప‌డంలో సందేహం లేదు.
ఇరుగ‌పాట్రులో విక్ర‌మ్ ప్ర‌భు, విధార్థ్ , అబ‌ర్న‌తి, శ్ర‌ద్ధా శ్రీ‌నాథ్ , సానియా అయ్య‌ప్ప‌న్ న‌టించారు. ఈ చిత్రానికి ద‌ర్శ‌కుడు యువ‌రాజ్ ధ‌యాల‌న్. ఎస్ ఆర్ ప్ర‌భు, ఎస్ ఆర్ ప్ర‌కాష్ బాబు , తంగా ప్ర‌భా హ‌ర‌న్ , గోపీనాథ్ ఈ మూవీని నిర్మించారు. జ‌స్టిస్ ప్ర‌భాక‌రన్ సంగీతం అందించారు.
ఇది మూడు స‌మాంత‌ర క‌థ‌ల‌ను అందిస్తుంది. ఒక రకంగా చెప్పాలంటే ఇది హృద‌య పూర్వ‌క‌మైన త‌మిళ చిత్రంగా చెప్ప‌వ‌చ్చు. ఆధునిక ప్రేమ ఎలా త‌యారైందో ఈ సినిమా ద్వారా చెప్పే ప్ర‌య‌త్నం చేశాడు ద‌ర్శ‌కుడు. ప్రేమ , యుద్ద భూమి ఒక్క‌టేన‌ని డైరెక్ట‌ర్ చెప్ప‌డం ఓ మ‌చ్చు తున‌క. ప్ర‌తి ఒక్క‌రు చూడాల్సిన మూవీ ఇరుగ పాట్రు.
ఇందులో న‌టించిన ప్ర‌తి ఒక్క‌రు త‌మ త‌మ పాత్ర‌ల‌కు న్యాయం చేశారు. ఒక రకంగా వాటిలో జీవించారు. ప్ర‌తి పాత్ర మ‌న‌ల్ని త‌డుముతుంది. ఆలోచింప చేసేలా చేస్తుంది. గోకుల్ బెనోయ్ అందించిన సినిమాటోగ్ర‌ఫీ ఈ సినిమాకు ప్ర‌త్యేక ఆక‌ర్ష‌ణ.