Chiranjeevi : ఆంధ్రప్రదేశ్ ముఖ్యమంత్రిగా తెలుగుదేశం పార్టీ అధినేత చంద్రబాబు నాయుడు బుధవారం ప్రమాణ స్వీకారం చేయనున్నారు. ఈ వేడుకకు మెగాస్టార్ చిరంజీవికి ప్రత్యేక ఆహ్వానం అందింది. ఈ మేరకు ఆయన మంగళవారం సాయంత్రం ప్రత్యేక విమానంలో విజయవాడకు రానున్నారు. ఈ విషయాన్ని చిరంజీవి సన్నిహితులు వెల్లడించారు. చిరంజీవి, చంద్రబాబు నాయుడు మధ్య మంచి అనుబంధం ఉన్న సంగతి తెలిసిందే. ఈ కారణంగానే కొత్త ప్రభుత్వ ప్రమాణ స్వీకారోత్సవానికి రాష్ట్ర అతిథిగా హాజరు కావాల్సిందిగా తెలుగుదేశం పార్టీ అధినేత చంద్రబాబు నుంచి మెగాస్టార్ చిరంజీవికి(Chiranjeevi) ప్రత్యేక ఆహ్వానం అందింది. ఈ ప్రమాణ స్వీకారోత్సవానికి రామ్ చరణ్ కూడా హాజరుకానున్నారు. ఈ వేడుకలో సినీ పరిశ్రమకు చెందిన పలువురు ప్రముఖులు, దేశంలోని ఇతర రాజకీయ పార్టీల ప్రతినిధులు మరియు క్రీడా రంగానికి చెందిన పలువురు ప్రముఖులు కూడా పాల్గొననున్నారు.
Chiranjeevi Visit
ఇటీవల జరిగిన అసెంబ్లీ ఎన్నికల్లో టీడీపీ-జనసేన-బీజేపీ కూటమి వైఎస్సార్ కాంగ్రెస్ పార్టీని ఓడించి అనూహ్యంగా 164 సీట్లు సాధించి చరిత్ర సృష్టించిన సంగతి తెలిసిందే. దీంతో టీడీపీ అధినేత చంద్రబాబు నాయుడు నాలుగోసారి ముఖ్యమంత్రి కావడం ద్వారా సంకీర్ణ ప్రభుత్వం ఏర్పడనుంది. బుధవారం ఉదయం 11:27 గంటలకు ముఖ్యమంత్రిగా చంద్రబాబు ప్రమాణ స్వీకారం చేయనున్నారు. గన్నవరం విమానాశ్రయం సమీపంలోని కేసరపల్లి ఐటీ పార్క్‌లో 11 ఎకరాల విస్తీర్ణంలో వేడుక కోసం వేదికను సిద్ధం చేస్తున్నారు, దీనికి సంబంధించిన పనులు ఇప్పటికే శరవేగంగా జరుగుతున్నాయి.
Also Read : Sania Mirza : ఆ హీరోలు ఒప్పుకుంటే నా బయోపిక్ నేనే తీస్తా..