Hrithik Roshan: ‘వార్’, ‘పఠాన్’ ఫేమ్ సిద్ధార్థ్ ఆనంద్ దర్శకత్వంలో బాలీవుడ్ స్టార్ హీరోహీరోయిన్లు హృతిక్ రోషన్, దీపికా పదుకొణె జంటగా నటిస్తున్న సినిమా ‘ఫైటర్’. వయాకామ్ 18 స్టూడియోస్, మార్ ఫ్లిక్స్ పిక్చర్స్ బ్యానర్‌పై మమతా ఆనంద్, రామన్ చిబ్, అంకు పాండే సంయుక్తంగా నిర్మిస్తున్న ఈ సినిమాను రిపబ్లిక్ డే కానుకగా జనవరి 25న ప్రపంచ వ్యాప్తంగా విడుదల చేస్తున్నారు. సినిమా విడుదల తేదీ దగ్గర పడుతున్న నేపథ్యంలో సినిమా యూనిట్ ప్రమోషన్స్ లో స్పీడ్ పెంచింది. ఈ సినిమాకు సంబంధించి ఇప్పటికే విడుదల చేసిన టీజర్, ఫస్ట్ సింగిల్‌కి మంచి రెస్పాన్స్ వచ్చింది. దీనితో తాజాగా ‘ఇష్క్ జైసా కుచ్’ అని సాగే ఓ రొమాంటిక్ వీడియో సాంగ్ ను విడుదల చేసింది చిత్ర యూనిట్.
Hrithik Roshan – బికనీలో రెచ్చిపోయిన దీపికా…
‘ఇష్క్ జైసా కుచ్’ పాటలో తమ క్రేజీ డ్యాన్స్ తో హృతిక్ రోషన్(Hrithik Roshan) తో, దీపిక ఫుల్ రొమాటింక్ మోడ్‌లో రెచ్చిపోయారు. షర్ట్ లెస్ లుక్ లో హృతిక్, బికనీలో దీపికా బీచ్ లో దర్శనమిస్తూ ఈ జంట అభిమానుల్లో కొత్త హీట్ ను పెంచేసింది. అందమైన లొకేషన్లలో రొమాంటిక్ సన్నివేశాల్లో వీళ్లిద్దరి మధ్య కెమిస్ట్రీ ఈ సినిమాకే ఎట్రాక్షన్ గా నిలుస్తోంది. అభిమానులను థియేటర్లకు రప్పించడంలో ‘ఇష్క్ జైసా కుచ్…’ పాట కీలకపాత్ర పోషించడం ఖాయంగా కనిపిస్తుంది. టీ-సిరీస్ విడుదల చేసిన ఈ పాట… ఇప్పటికే మిలియన్ వ్యూస్ ను సాధించి ట్రెండింగ్ లో కొనసాగుతోంది. ‘ఫైటర్’ సినిమాలో హృతిక్.. స్క్వాడ్రన్ లీడర్ షంషేర్ పఠానియాగా కనిపించగా… దీపిక పదుకొణె స్క్వాడ్రన్ లీడర్ మిన్నిగా, గ్రూప్ కెప్టెన్ రాకేష్ జై సింగ్ పాత్రలో అనిల్‌ కపూర్‌ కనిపించనున్నారు.
Also Read : Sriya Reddy: ‘రాధా రమ మన్నార్’ పాత్రపై శ్రియారెడ్డి ఎమోషనల్