Hero Yash: బడా హీరోల బర్త్ డే అంటే చాలు అటు సెలబ్రెటీలకు, ఇటు అభిమానులకు పండగ వచ్చినట్లే. సాయంత్రం వరకు అభిమానులతో, సేవా కార్యక్రమాలతో సందడిగా పుట్టిన రోజు వేడుకలు జరుపుకునే బడా హీరోలు… సాయంత్రం తరువాత తమ స్నేహితులు, సన్నిహితులు, సెలబ్రెటీలతో పార్టీలో ఎంజాయ్ చేస్తుంటారు. కాని కొంతమంది హీరోలు మాత్రం ఇటువంటి బర్త్ డే వేడుకలకు దూరంగా ఉంటారు. అయితే బర్త్ డే వేడుకలకు దూరంగా ఉంటున్న హీరో జాబితాలో చేరిపోయారు కేజిఎఫ్ సినిమాతో పాన్ ఇండియా స్టార్ గా గుర్తింపు తెచ్చుకున్న కన్నడ నటుడు యశ్. జనవరి 8న తన పుట్టిన రోజున తాను అజ్ఞాతంలోనికి వెళ్ళిపోతున్నానని… అభిమానులు ఎవరూ నిరాశ చెందవద్దని… తాను ఎక్కడ ఉన్నా అభిమానులు శుభాకాంక్షలు తన హృదయాన్ని తాకుతాయంటూ భావోద్వేగంతో కూడిన పోస్ట్ ను తన సోషల్ మీడియాలో పెట్టారు. ప్రస్తుతం యశ్ తన బర్త్ డే పై పెట్టిన పోస్టు సోషల్ మీడియాలో వైరల్ గా మారుతోంది.
Hero Yash – భాగోద్వేగంతో కూడిన పోస్టు పెట్టిన యశ్
‘‘మీరంతా నా పుట్టినరోజు కోసం ఎదురుచూస్తున్నారని నాకు తెలుసు. నన్ను వ్యక్తిగతంగా కలిసి విషెస్‌ చెప్పాలని అభిమానులంతా ఆశపడుతున్నారు. నన్ను నమ్మండి… మీతో కలిసి సమయాన్ని గడపడం నాకు అత్యంత విలువైన వాటిలో ఒకటి. కానీ, మనమంతా మరో రోజు కలుద్దాం. జనవరి 8న నేను అందుబాటులో ఉండను. ప్రత్యక్షంగా మిమ్మల్ని కలవలేకపోయినా… మీ అందరి శుభాకాంక్షలు నా హృదయానికి చేరతాయి. అవి నాకు ఎప్పటికీ ప్రత్యేకమైనవే. నాతోనే ఉంటాయి’’ అంటూ ఆ పోస్టులో రాసుకొచ్చారు యశ్(Yash). దీనితో కొంతమంది అభిమానులు నిరాశ పడినప్పటికీ… మరికొందరు మాత్రం యశ్ అభిప్రాయాన్ని స్వాగతిస్తున్నారు.
యస్ తన కొత్త సినిమా ‘టాక్సిక్‌’ ప్రకటించి సుమారు నెలరోజులైంది. మలయాళ దర్శకురాలు గీతూ మోహన్‌ దాస్‌ దర్శకత్వం వహిస్తున్న ఈ సినిమాకు ఏ ఫెయిరీ టేల్‌ ఫర్‌ గ్రోన్‌ అప్స్‌.. అనేది ట్యాగ్ లైన్. ఈ సినిమాకు సంబంధించిన పూర్తి వివరాలు త్వరలోనే వెల్లడిస్తామని అప్పుడు చెప్పారు. దీనితో జనవరి 8న యశ్ పుట్టినరోజున ఆ సినిమాకు సంబంధించిన పూర్తి వివరాలు వెల్లడిస్తారని అభిమానులు ఎదురుచూస్తున్నారు. ఇది ఇలా ఉండగా ఈ సినిమాలో సాయిపల్లవి హీరోయిన్ గా నటించనునండగా బాలీవుడ్‌ హీరోయిన్ కరీనా కపూర్‌ కీలకపాత్రలో కనిపించనున్నట్లు టాక్‌ నడుస్తోంది. ‘కేజీయఫ్‌’ సిరీస్ తర్వాత యశ్ నుంచి వస్తున్న సినిమా కావడంతో దీనిపై ఇప్పటికే ప్రేక్షకుల్లో భారీ అంచనాలు నెలకొన్నాయి.
Also Read : Raviteja Eagle: సంక్రాంతి బరి నుండి తప్పుకున్న రవితేజ ‘ఈగల్‌’