Hero Siddharth: సిద్ధార్థ్ ఒకప్పుడు సౌత్ ఇండస్ట్రీలో స్టార్ హీరో. యువకుల నుంచి విపరీతమైన ఆదరణ పొందిన హీరో. ఈ హీరోకీ ఇప్పటికి .. ఎప్పటికీ క్రేజ్ అలానే ఉంటుంది. బాయ్స్ సినిమాలతో హీరోగా పరిచయం అయ్యాడు సిద్ధూ. ఆ తర్వాత తెలుగులో ‘బొమ్మరిల్లు’, ‘నువ్వొస్తానంటే నేనొద్దంటానా’ చిత్రాలతో సూపర్‌హిట్‌లు సాధించాడు. ఈ సినిమాలు సిద్ధార్థ్ కి మంచి ఇమేజ్ని ఇచ్చాయి. నిజానికి కోలీవుడ్ హీరో సిద్ధూకి అప్పట్లో తెలుగు అమ్మాయిల్లో విపరీతమైన ఫ్యాన్ ఫాలోయింగ్ ఉండేది. సిద్ధూ ఒకప్పుడు వరుస సినిమాలతో మంచి విజయాన్ని అందుకున్నాడు.
Hero Siddharth Viral with His Song
ఆ తర్వాత ఆయన చేసిన సినిమాలు పెద్దగా ఆకట్టుకోలేదు. దీంతో సిద్ధూకి తెలుగులో అవకాశాలు తగ్గిపోయాయి. కొన్నాళ్ల తర్వాత టాలీవుడ్ నుంచి కోలీవుడ్‌కి మారాడు. అక్కడ వరుస సినిమాలు చేస్తున్నారు. రెండేళ్ల క్రితం మహాసముద్రం సినిమాతో తెలుగు చిత్ర పరిశ్రమలోకి రీఎంట్రీ ఇచ్చాడు. శర్వానంద్‌తో చేసిన ఈ సినిమా తనపై పెద్దగా ప్రభావం చూపలేదు. ఆ తర్వాత ఆయన నటించిన ‘టక్కర్’ కూడా బాక్సాఫీస్ వద్ద డిజాస్టర్‌గా నిలిచింది. దీంతో సిద్ధూ(Siddharth) తమిళంలో వరుస సినిమాలపై దృష్టి పెట్టాడు.
తాజాగా చిన్న సినిమాతో ప్రేక్షకుల ముందుకు వచ్చాడు. అరుణ్ కుమార్ దర్శకత్వం వహించిన ఈ సినిమా గతేడాది విడుదలై తమిళంలో ఘన విజయం సాధించింది. కంటెంట్‌కు ప్రాధాన్యత ఉన్న సినిమాలో తన నటనతో సిద్ధూ మరోసారి ప్రశంసలు అందుకున్నాడు. ఈ చిత్రం విమర్శకుల నుంచి ప్రశంసలు అందుకుంది. తెలుగులో చిన్నా అనే టైటిల్ తో ఈ సినిమా విడుదలైనప్పుడు యావరేజ్ టాక్ నడిచింది. సిద్ధార్థ్ హీరోనే కాకుండా ప్రొడ్యూసర్, స్క్రీన్ రైటర్ మరియు గాయకుడిగా కూడా కీర్తిని పొందాడు. సిద్ధూ ఎన్నో సినిమాల్లో ఎన్నో పాటలు పాడి అలరించాడు. ప్రస్తుతం అతనికి సంబంధించిన వీడియో వైరల్ అవుతోంది. ఈ వీడియోలో, అతను తన అద్భుతమైన గానంతో మరోసారి శ్రోతల హృదయాలను దోచుకున్నాడు.
Also Read : Hanuman Review : గూస్బంప్స్ తెప్పించే సన్నివేశాలు ఎన్నెన్నో