Hero Karthi: తెలుగు,తమిళం అని తేడా లేకుండా వైవిధ్యమైన కథలను ఎంచుకుంటూ వరుస సినిమాలతో దూసుకుపోతున్న యువ హీరో కార్తి. కార్తీ ప్రధాన పాత్రలో నటించిన స్పై థ్రిల్ల‌ర్‌ సినిమా ‘సర్దార్‌’ గతేడాది విడుదలై… బాక్సాఫీసు వద్ద మంచి విజయాన్ని అందుకుంది. ప్రిన్స్ పిక్చర్స్ బ్యానర్‌పై ఎస్.లక్ష్మణ్ కుమార్ నిర్మించిన ఈ సినిమాకు పీఎస్ మిత్ర‌న్ దర్శకత్వం వహించగా తెలుగులో అన్నపూర్ణ స్టూడియోస్ సంస్థ విడుదల చేసింది. కార్తీ(Karthi), రాశి ఖన్నా, రజిషా విజయన్,చుంకి పాండే ప్రధాన పాత్రల్లో నటించారు. ఇందులో గూఢచారిగా, పోలీసు అధికారిగా ద్విపాత్రాభినయం చేసిన కార్తీ ప్రేక్షకులను విశేషంగా మెప్పించారు. దీనితో ‘సర్దార్‌’కు సీక్వెల్ గా ‘సర్దార్‌ 2’ తెరకెక్కించనున్నట్లు చిత్ర యూనిట్ ఇప్పటికే ప్రకటించడం జరిగింది.
Hero Karthi Movie Updates
‘సర్దార్‌ 2’ సినిమాకు సంబంధించి చిత్ర యూనిట్ అభిమానులకు శుభవార్త చెప్పింది. ఇప్పటికే ప్రీ ప్రొడక్షన్ పనులు పూర్తి చేసుకున్న ‘సర్దార్‌ 2’ను… త్వరలో అంటే వచ్చే ఏడాది ఏప్రిల్‌లో షూటింగ్‌ను ప్రారంభించడానికి సన్నాహాలు చేస్తున్నట్లు తెలిపింది. అంతేకాదు ఈ సీక్వెల్ లో కార్తీ కాంబోడియోలో గూఢచర్యం చేసే భారతీయ ఏజెంట్‌గా కనిపించనున్నారు. పోలీసు అధికారిగా ఉన్న ఆయన.. స్పైగా మారి ఆ తర్వాత ఏం చేశారనేది ఈ ‘సర్దార్‌ 2’లో చూపించనున్నట్లు తెలిపారు. దీనితో ‘సర్దార్‌ 2’ పై అంచనాలు పెరిగిపోతున్నాయి.
Also Read : Naga Chaitanya: నాగచైతన్య ‘తండేల్‌’ షూటింగ్ షురూ