Hero Gopichand: టాలీవుడ్ మ్యాచో స్టార్ గోపీచంద్ హీరోగా కన్నడ దర్శకుడు ఏ హర్ష దర్శకత్వంలో తెరకెక్కిస్తున్న సినిమా ‘భీమా’. శ్రీ సత్యసాయి ఆర్ట్స్ బ్యానర్‌పై కెకె రాధామోహన్ ప్రతిష్టాత్మకంగా నిర్మిస్తున్న ఈ యాక్షన్ ఎంటర్‌టైనర్ లో గోపీచంద్ సరసన ప్రియా భవానీ శంకర్, మాళవిక శర్మ హీరోయిన్లుగా నటిస్తున్నారు. కెజిఎఫ్ ఫేమ్ రవి బస్రూర్ సంగీతం అందిస్తున్న ఈ సినిమాకు సినిమాటోగ్రాఫర్ గా స్వామి జె గౌడ పనిచేస్తున్నారు. ఇప్పటికే ఈ సినిమాకు సంబంధించి విడుదల చేసిన టైటిల్, ఫస్ట్ లుక్ కు మంచి స్పందన వచ్చింది. దీనితో ఈ సినిమాను ఫిబ్రవరి 16న విడుదల చేస్తున్నట్లు శుక్రవరం ప్రకటించిన చిత్ర యూనిట్… ‘భీమా’ టీజర్ ను కూడా విడుదల చేసింది. పవర్ ఫుల్ పోలీసు ఆఫీసర్ పాత్రలో గోపీచంద్ న్యూ లుక్ అభిమానులను విశేషంగా ఆకట్టుకుంటోంది. ప్రస్తుతం ఈ టీజర్ సోషల్ మీడియాలో ట్రెండింగ్ లో కొనసాగుతోంది.
Hero Gopichand – ఆకట్టుకుంటోన్న గోపీచంద్ నయా లుక్
శుక్రవారం విడుదల చేసిన టీజర్ లో పోలీస్ ఆఫీసర్ గా గోపీచంద్(Gopichand).. నయా లుక్ తో ఆకట్టుకుంటున్నారు. టీజర్ లో గోపీచంద్ అటిట్యూట్, మేనరిజం అదిరిపోయింది. శ్లోకాలతో ప్రారంభమైన ఈ టీజర్… ఓ ప్రాంతంలో బంధీలుగా ఉన్న వారి నుంచి కాపాడే పోలీసు అధికారిగా గోపీచంద్ ఎంట్రీ ఇస్తాడు. గంగిరెద్దుపై గోపీచంద్ మాస్ అవతారం ఫ్యాన్స్ కు పునకాలు తెప్పిస్తోంది. గోపిచంద్ హై వోల్టేజ్ అవతార్‌లో దర్శనమివ్వడం, టీజర్ కట్ సినిమాపై మరింత ఆసక్తిని రేకిస్తోంది. గోపీచంద్ చివరిగా ‘రామబాణం’తో ప్రేక్షకులను అలరించినప్పటికీ బాక్సాఫీసు వద్ద ఆశించిన ఫలితం రాబట్టలేకపోయారు. దీనితో ఆ లోటును ‘భీమా’ సినిమాతో భర్తీ చేయాలని గోపీచంద్ తో పాటు అభిమానులు ఆశక్తి ఎదురుచూస్తున్నారు.
Also Read : Hero Yash: బర్త్ డే రోజున అజ్ఞాతంలోనికి వెళ్ళిపోతానంటున్న కేజిఎఫ్ హీరో