Hari Hara Veera Mallu : సామ్రాజ్యవాదులు, అణచివేతదారులకు వ్యతిరేకంగా స్వాతంత్ర్యం కోసం ఓ యోధుడు చేసిన అలుపెరగని పోరాటమే హరిహరవీరమల్లు(Hari Hara Veera Mallu) అంటూ ఇప్పటికే సినిమా మీద భారీ అంచనాలు పెంచేశారు మేకర్స్. అంతా బాగానే ఉంది… నెక్స్ట్ షెడ్యూల్‌ ఎప్పటి నుంచీ అని ఆరా తీస్తున్న వారి కోసం చాలా విషయాలే చెప్పుకొచ్చారు.. ఆ డీటైల్స్ మనం కూడా మాట్లాడుకుందాం పదండి.. అప్పుడెప్పుడో బ్రోతో స్క్రీన్‌ మీదకు వచ్చారు. ఆ తర్వాత ఆయన మేకప్‌ వేసుకోనేలేదు అని బెంగ పెట్టుకున్న అభిమానుల గురించి ఆలోచించారు పవర్‌స్టార్‌. మేకప్‌ కిట్‌ సిద్ధం చేయమని సిగ్నల్స్ ఇచ్చేశారు. అక్టోబర్‌ 14 నుంచి హరిహరవీరమల్లు షూటింగ్‌ మొదలు కాబోతోంది. 18 నుంచి పవన్‌ కల్యాణ్‌ సెట్స్ కి హాజరవుతారని న్యూస్‌.
Hari Hara Veera Mallu Updates
ఈ షెడ్యూల్‌లో కీలక సన్నివేశాలను తెరకెక్కిస్తారు. నవంబర్‌ 10కి షూటింగ్‌ అంతా పూర్తి చేయాలన్నది ప్లాన్. దసరా సందర్భంగా రిలీజ్ చేసిన పోస్టర్‌కి కూడా చాలా మంచి స్పందన వస్తోంది. ఈ సినిమాలోని ఫస్ట్ సాంగ్‌ని త్వరలోనే విడుదల చేయబోతున్నారు. ఫస్ట్ సాంగ్‌ని తెలుగులో పవన్‌ పాడారు. ఈ పీరియాడిక్‌ యాక్షన్‌ మూవీకి కీరవాణి సంగీతం అందించారు. ప్రేక్షకులకు స్పెషల్‌ థియేట్రికల్‌ ఎక్స్ పీరియన్స్ ఇస్తుందని అంటున్నారు మేకర్స్. వచ్చే ఏడాది ఎర్లీ సమ్మర్‌లో హరిహరవీరమల్లు హవా మామూలుగా ఉండదంటున్నారు మేకర్స్.
Also Read : Adah Sharma : తన కుటుంబంతో సహా సుశాంత్ సింగ్ ఇంటికి షిఫ్ట్ అయిన అదాశర్మ