Hanuman: ప్రశాంత్ వర్మ సినిమాటిక్ యూనివర్స్ నుండి వస్తోన్న ఫస్ట్ ఇండియన్ ఒరిజినల్ సూపర్ హీరో మూవీ ‘హను-మాన్’. ఈ సినిమాలో తేజ సజ్జా, అమృత అయ్యర్ హీరోహీరోయిన్లుగా నటిస్తుండగా… వినయ్ రాయ్ విలన్‌, వరలక్ష్మి శరత్‌కుమార్ మరో కీలక పాత్రలో కనిపించనున్నారు. ఇటీవల విడుదలైన ‘హను-మాన్(Hanuman)’ టీజర్… సోషల్ మీడియాలో వైరల్‌గా మారడంతో ఈ సినిమాపై నేషనల్ లెవల్ క్రేజ్ ఏర్పడింది. దీనికి తోడు మూవీ మేకర్స్ ఇప్పటివరకు విడుదల చేసిన మూడు పాటలు కూడా మంచి స్పందన వచ్చింది. దీనితో ఈ సినిమాకు సంబంధించిన థియేట్రికల్ ట్రైలర్ విడుదలకు మేకర్స్ డేట్ ఫిక్స్ చేసారు.
Hanuman Movie Updates
‘హను-మాన్’ థియేట్రికల్ ట్రైలర్‌ను డిసెంబర్ 19న విడుదల చేయనున్నట్లు మేకర్స్ అనౌన్స్ చేశారు. ట్రైలర్ పోస్టర్ లో హీరో కళ్ళు మూసుకుని దేవుడిని ప్రార్థిస్తూ కనిపించగా… అతని వెనుక భారీ హనుమాన్ విగ్రహం ఉంది. అంజనాద్రి ఫాంటసీ ప్రపంచంలోకి తీసుకెళ్లబోతోన్న ఈ ట్రైలర్ కోసం యావత్ దేశం ఆసక్తిగా ఎదురుచూస్తోంది. ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి ప్రతిష్టాత్మకంగా నిర్మిస్తున్న ఈ సినిమాను శ్రీమతి చైతన్య సమర్పిస్తున్నారు. ఎగ్జిక్యూటివ్ ప్రొడ్యూసర్‌గా అస్రిన్ రెడ్డి, లైన్ ప్రొడ్యూసర్‌గా వెంకట్ కుమార్ జెట్టి, అసోసియేట్ ప్రొడ్యూసర్‌గా కుశాల్ రెడ్డి వ్యవహరిస్తున్నారు. గౌరహరి, అనుదీప్ దేవ్, కృష్ణ సౌరభ్ త్రయం సంగీతం అందించారు. ఈ హను-మాన్ సినిమాను సంక్రాంతి కానుకగా జనవరి 12 న తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్, జపనీస్‌తో సహా పలు భారతీయ భాషల్లో పాన్ వరల్డ్‌ సినిమాగా విడుదల కానుంది.
Also Read : Rashmika Mandanna: తన క్రష్ ఎంటో బయట పెట్టిన రష్మిక