క‌న్న‌డ సినీ రంగంలో మోస్ట్ ప‌వ‌ర్ ఫుల్ హీరో శివ రాజ్ కుమార్. త‌ను తాజాగా న‌టించిన ఘోస్ట్ చిత్రం ట్రైల‌ర్ విడుద‌లైంది. కెవ్వు కేక అనిపించేలా ఉంది. ఇప్ప‌టికే నెల్స‌న్ దిలీప్ కుమార్ ద‌ర్శ‌క‌త్వం వ‌హించిన ర‌జనీకాంత్ న‌టించిన జైల‌ర్ లో శివ‌రాజ్ కుమార్ అలియాస్ శివ‌న్న ఇర‌గ‌దీశాడు.
ప్ర‌తి నాయ‌కుడి పాత్ర‌లో త‌నేమిటో, త‌న స‌త్తా ఏమిటో చూపించాడు. దీంతో ఇప్పుడు ప్రేక్ష‌కుల ముందుకు రాబోతున్న ఘోస్ట్ లో పూర్తిగా ఆక‌ట్టుకునేలా ప్ర‌య‌త్నం చేశాడు శివ రాజ్ కుమార్.
ఆయ‌న‌కు క‌న్న‌డ నాట ఫ్యాన్ ఫాలోయింగ్ ఉంది. త‌న తండ్రి ప్ర‌ముఖ న‌టుడు రాజ్ కుమార్. ఆయ‌న త‌న‌యుడు ప‌ప్పు అనుకోకుండా కాలం చేశాడు. వాట‌న్నింటిని త‌ట్టుకుని తిరిగి త‌న‌లోని న‌టుడిని మేల్కొల్పేందుకు ప్ర‌య‌త్నం చేశాడు. క‌న్న‌డ నాట శివ రాజ్ కుమార్ ను అంతా ముద్దుగా శివ‌న్న అని పిలుచుకుంటారు.
సామాజిక సేవా కార్య‌క్ర‌మాల‌లో వారి కుటుంబం పేరు పొందింది. వేలాది మందికి విద్యా దానం చేస్తున్నారు. ఇక ఘోస్ట్ సినిమా ప్ర‌మోష‌న్ మొద‌లు పెట్టాడు శివ‌న్న. ఇందులో డైలాగ్ అదిరేలా ఉంది. నేను వెళితే ర‌ణ రంగం మార‌ణ హోమంగా మారుతుంద‌న్న మాట‌లు కెవ్వు కేక అనిపించేలా ఉన్నాయి. ఇక ఇందులో శివ‌న్న రౌద్ర రూపం చూపించాడు.