టాలీవుడ్ లోనే కాదు ఏ రంగంలోనైనా రాణించాలంటే కాస్తంత తెలిసిన వారైనా ఉండాలి లేదా స‌పోర్ట్ చేసే వాళ్లు ఉండాలి. ఇవేవీ లేక పోతే నెగ్గుకు రావ‌డం చాలా క‌ష్టం. గ‌తంలో మోనోప‌లి ఉండేది. దానిని ఊహించ‌ని రీతిలో బ‌ద్ద‌లు కొట్టింది సోష‌ల్ మీడియా. యూట్యూబ్ , ఓటీటీ ప్లాట్ ఫార‌మ్స్ వ‌చ్చాక టాలెంటెడ్ ఆర్టిస్టుల‌కు లెక్క‌లేన‌న్ని ఛాన్స్ లు వ‌స్తున్నాయి.
ప్ర‌స్తుతం తెలుగు సినీ రంగంలో టాప్ యాక్ట‌ర్స్ తో ఢీకొంటున్నారు యంగ్ స్టార్స్. ఇందులో చెప్పు కోవాల్సింది విశ్వ‌క్ సేన్. త‌ను ఏదీ దాచుకోడు. ఎవ‌రికీ గులాం కానంటూ ప్ర‌క‌టించాడు. మ‌నోడికి దూకుడు ఎక్కువ. అంత‌కు మించి ఏదైనా స‌రే ముఖం మీదే చెప్పేస్తాడు. ఎవ‌రికీ భ‌య‌ప‌డే మ‌న‌స్త‌త్వం కాదు.
రీల్ లోనే కాదు రియ‌ల్ లైఫ్ లో కూడా అలాగే వ్య‌వ‌హ‌రిస్తాడు. ఇక సోష‌ల్ మీడియాలో ఫుల్ బిజీగా ఉంటాడు. త‌న‌కేం త‌క్కువ అన్న ధీమా ఉంటుంది ఈ న‌టుడిలో. తాజాగా ట్విట్ట‌ర్ వేదిక‌గా స్పందించాడు. ఓ షాకింగ్ ట్వీట్ చేశాడు. ఇందులో ఏముందంటే. బ్యాక్ గ్రౌండ్ అన్న‌ది లేక‌పోతే ఎవ‌రో ఒక‌రు ఇబ్బంది పెట్టేందుకు ప్ర‌య‌త్నం చేస్తారంటూ సంచ‌ల‌న ఆరోప‌ణ‌లు చేశాడు.
ఇందుకు సంబంధించిన కామెంట్స్ క‌లక‌లం రేపుతున్నాయి. ఎవ‌రిని ఉద్దేశించి ఇలా అన్నాడ‌నేది మిలియ‌న్ డాల‌ర్ల ప్ర‌శ్న‌గా మారింది.