Game Changer: గ్లోబల్ స్టార్ రామ్‌ చరణ్, ప్రముఖ దర్శకుడు శంకర్ కాంబోలో తెరకెక్కుతోన్న తాజా సినిమా ‘గేమ్ ఛేంజర్‌’. పొలిటికల్‌ యాక్షన్ థ్రిల్లర్‌ గా తెరకెక్కిస్తున్న ఈ సినిమాలో అంజలి, శ్రీకాంత్‌, సునీల్‌, ఎస్.జె.సూర్య, సముద్రఖని, నవీన్‌ చంద్ర కీలక పాత్రలు పోషించగా… ఎస్.ఎస్. థమన్‌ సంగీతం అందిస్తున్నాడు. ప్రముఖ కోలీవుడ్ దర్శకుడు, రచయిత కార్తిక్‌ సుబ్బరాజ్‌ అందించిన పొలిటికల్‌, యాక్షన్ కథను ‘గేమ్ ఛేంజర్‌(Game Changer)’ గా శంకర్ తెరకెక్కిస్తున్నారు. శ్రీమతి అనిత సమర్పణలో శ్రీవెంకటేశ్వర క్రియేషన్స్ బ్యానర్‌పై జీ స్టూడియోస్ అసోసియేషన్‌ లో ఈ సినిమాను దిల్ రాజు, శిరీష్ భారీ బ‌డ్జెట్‌తో ఈ సినిమాను నిర్మిస్తున్నారు. ఈ సినిమాకు సంబంధించి ఇప్పటికే విడుదల అయిన ఫస్ట్ లుక్, టైటిల్ లుక్, జరగండి జరగడండి సాంగ్ కు మంచి స్పందన వచ్చింది. దీనితో ఈ సినిమాపై అంచనాలు మరింత పెరిగిపోయాయి.
Game Changer Movie Updates
దాదాపు చిత్రీకరణ పూర్తి చేసుకున్న ఈ సినిమాకు సంబంధించి ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ నేపథ్యంలో శనివారం ‘రా మచ్చా.. మచ్చా’ అంటూ సాగే సాంగ్ ప్రోమోను చిత్ర బృందం విడుదల చేసింది. పూర్తి లిరికల్‌ సాంగ్‌ను సెప్టెంబరు 30న విడుదల చేయనున్నారు. అనంత శ్రీరామ్‌ సాహిత్యం అందించిన ఈ పాటను నకాష్‌ అజీజ్‌ ఆలపించారు. ప్రస్తుతం ఈ ప్రోమో సోషల్ మీడియాలో వైరల్ గా మారుతోంది. 2024 క్రిస్మస్ సందర్భంగా తెలుగు, తమిళ్, హిందీ భాషల్లో విడుదలకు సిద్ధ‌మ‌వుతోన్న ఈ సినిమాపై అంచనాలు ఆకాశాన్నంటుతున్నాయి.
Also Read : Ajith Kumar: ఇంటర్నేషనల్‌ రేసింగ్స్‌లో రయ్‌ రయ్‌ అంటోన్న అజిత్‌ !