Gaami: మాస్ కా దాస్ విశ్వక్ సేన్ ప్రతిష్టాత్మక ప్రాజెక్ట్ ‘గామి’. మానవ స్పర్శను అనుభవించలేని అరుదైన వ్యాధితో బాధపడుతున్న అఘోరా పాత్రలో విశ్వక్ ఈ సినిమాలో కనిపించబోతున్నాడు. కార్తీక్ కుల్ట్ క్రియేషన్స్‌ పై కార్తీక్ శబరీష్ నిర్మిస్తోన్న ఈ సినిమాకు విద్యాధర్ కాగిత దర్శకత్వం వహిస్తున్నారు. ఈ సినిమాలో విశ్వక్ సరసన చాందిని చౌదరి నటిస్తున్నారు. ‘గామి’ కు సంబంధించి ఇప్పటికే విడుదల చేసిన ఫస్ట్ లుక్, మేకింగ్ వీడియో, క్యారెక్టర్ టీజర్, ఇతర ప్రమోషనల్ కంటెంట్… ఈ సినిమాను ఆసక్తిని రేకెత్తిస్తోంది.
Gaami Trailer Viral
మార్చి 8న ప్రేక్షకుల ముందుకు రానున్న ఈ సినిమా కు సంబంధించిన ప్రమోషన్స్ లో స్పీడు పెంచింది చిత్ర యూనిట్. ఈ నేపథ్యంలో ‘గామి(Gaami)’ థియేట్రికల్ ట్రైలర్ ను హైదరాబాద్ లోని ప్రసాద్స్ లో PCX స్క్రీన్‌లో లాంఛ్ చేశారు. PCX ఫార్మాట్‌ లో టాలీవుడ్ లో మొదటిసారిగా రూపొందించిన ఈ ట్రైలర్ ను… అర్జున్ రెడ్డి, యానిమల్ సినిమాలతో పాన్ ఇండియా డైరెక్టర్ గా మారిన సందీప్ రెడ్డి వంగా… గ్రాండ్ గా లాంఛ్ చేసారు. ప్రస్తుతం ఈ ట్రైలర్ లాప్ లో ట్రెండ్ అవుతోంది.
ఈ సందర్భంగా దర్శకుడు సందీప్ రెడ్డి వంగా మాట్లాడుతూ… ‘‘గామి’ అరుదైన సినిమా. ఆరేళ్లపాటు అంకితభావంతో తెరకెక్కించడం మామూలు విషయం కాదు. సినిమాపై ఎంతో ప్రేమ ఉంటే తప్ప ఇది సాధ్యం కాదు’ అని అన్నారు… విశ్వక్ సేన్ మాట్లాడుతూ… ‘ఇది రెగ్యులర్‌ సినిమా కాదు. మాస్ అంశాలు ఉండవు. అయినా ‘గామి’ ప్రేక్షకులను ఆకట్టుకునేలా ఉంటుంది. తెలుగు పరిశ్రమ గర్వపడే సినిమా అవుతుంది’ అన్నారు. సినిమా చూస్తున్నంతసేపు తర్వాత ఏం జరగబోతోందో అనే ఉత్సుకత ప్రేక్షకుల్లో కలుగుతుందని దర్శకుడు విద్యాధర్ తె లిపారు.
Also Read : Drushyam : టాలీవుడ్ వరకు రీమేక్ కి వెళ్లిన తెలుగు హిట్ సినిమా ‘దృశ్యం’