Family Star Deepavali : టాలీవుడ్ లో యూత్ ఫుల్ జోష్ క‌లిగిన ఏకైక న‌టుడు విజ‌య్ దేవరకొండ. భిన్న‌మైన పాత్ర‌ల‌ను ఎంచుకుంటూ స‌క్సెస్, ఫెయిల్యూర్ తో ప‌ని లేకుండా చేసుకుంటూ పోతున్నాడు. త‌ను ఇటీవ‌ల స‌మంత రుత్ ప్ర‌భుతో క‌లిసి న‌టించిన ఖుషీ మ్యూజిక‌ల్ హిట్ గా నిలిచింది.
Family Star Deepavali Celebrations
దీనిని శివ నిర్వాణ తీశాడు. తాజాగా త‌ను క స‌క్సెస్ ఫుల్ నిర్మాత దిల్ రాజు నిర్మాణంలో ఫ్యామిలీ స్టార్ లో న‌టిస్తున్నాడు. ఇక శ్రీ‌లీల త‌ర్వాత టాలీవుడ్ లో వ‌రుస ఛాన్స్ ల‌తో దుమ్ము రేపుతున్న మృణాల్ ఠాకూర్ ఇందులో కీల‌క పాత్ర పోషిస్తోంది.
ఇదిలా ఉండ‌గా దీపావ‌ళి పండుగ‌ను పుర‌స్క‌రించుకుని విజ‌య్ దేవరకొండ(Vijay Devarakonda), మృణాల్ క‌లిసి బాణా సంచా కాల్చారు. ఇద్ద‌రూ క‌లిసి ఫెస్టివ‌ల్ ను ఎంజాయ్ చేశారు. దీపాలు వెలిగించారు. ఇందుకు సంబంధించిన ఫోటోల‌ను వెంక‌టేశ్వ‌ర క్రియేష‌న్స్ సంస్థ సోష‌ల్ మీడియా వేదిక‌గా షేర్ చేసింది. ఫోటోలు ప్ర‌స్తుతం వైర‌ల్ గా మారాయి.
కాగా ఎలాగైనా స‌రే ఫ్యామిలీ స్టార్ మూవీని వ‌చ్చే ఏడాది సంక్రాంతికి విడుద‌ల చేయాల‌ని మూవీ మేక‌ర్స్ ప్ర‌య‌త్నం చేస్తున్నారు. ఇప్ప‌టికే ఈ చిత్రం ట్రైల‌ర్ రిలీజ్ చేశారు. దానికి మంచి స్పంద‌న ల‌భిస్తోంది.
Also Read : Lal Salaam Teaser : మొయిద్దీన్ భాయ్ ఆగ‌యా