Emraan Hashmi: బాహుబలి, కేజీఎఫ్, ఆర్ఆర్ఆర్, జవాన్, సలార్, యానిమల్ సినిమాలతో పాన్ ఇండియా కాదు… పాన్ వరల్డ్ రేంజ్ కు వెళ్ళారు సౌత్ ఇండియాకు చెందిన ఫిల్మ్ మేకర్స్. దీనితో దక్షిణాది భాషల నిర్మాతలు, దర్శకులతో పనిచేయడానికి బాలీవుడ్ స్టార్ హీరోలు ఎదురుచూస్తున్నారు. అవకాశం దొరికితే చాలు దక్షిణాది భాషల్లో నటించడానికి ఆశక్తి చూపిస్తున్నారు. ఈ నేపథ్యంలో రణ్ బీర్ కపూర్, బాబీ డియోల్, ఇమ్రాన్ హష్మీ, అర్జున్ రాంఫాల్, అజయ్ దేవగణ్ వంటి స్టార్ హీరోలు సైతం దక్షిణాది భాషల్లో నటించడానికి సౌత్ ఫిల్మ్ మేకర్స్ కు ఓకే చెప్తున్నారు. ఈ నేపథ్యంలో బాలీవుడ్ స్టార్ హీరో, కింగ్ ఆఫ్ రొమాన్స్ గా గుర్తింపు పొందిన ఇమ్రాన్ హష్మీ… సౌత్ ఫిల్మ్ మేకర్స్ పై ఇంట్రెస్టింగ్ కామెంట్స్ చేసారు. ప్రస్తుతం ఇమ్రాన్ హష్మీ చేసిన వ్యాఖ్యలు నెట్టింట వైరల్ అవుతున్నాయి.
Emraan Hashmi Comment
ఇటీవల ఓ ఛానెల్ కు ఇచ్చిన ఇంటర్వూలో బాలీవుడ్ నటుడు ఇమ్రాన్ హష్మీ(Emraan Hashmi) మాట్లాడుతూ… “బాలీవుడ్ ఫిల్మ్ మేకర్స్ కంటే సౌత్ ఫిల్మ్ మేకర్స్ చాలా క్రమశిక్షణతో ఉంటారు. సినిమా కోసం వారు ఖర్చు చేసే ప్రతి రూపాయి తెరపై కనిపిస్తుంది. హిందీ సినిమాల్లో డబ్బు తప్పుడు ప్రాంతాల్లో ఖర్చు అవుతుంది అని నేను భావిస్తున్నాను అని ఇమ్రాన్ హష్మీ అన్నారు. అలాగే VFX మరియు పాత్ బ్రేకింగ్ కథల విషయానికి వస్తే… దక్షిణాది చిత్రనిర్మాతలు బాలీవుడ్ కంటే ముందున్నారని,” ఇమ్రాన్ తెలిపారు. ప్రస్తుతం ఇమ్రాన్ చేసిన ఈ కామెంట్స్ సోషల్ మీడియాలో వైరల్ అవుతున్నాయి.
ఇక ఇమ్రాన్ హష్మీ(Emraan Hashmi) విషయానికి వస్తే… ప్రస్తుతం అతను సాహో ఫేం సుజిత్ దర్శకత్వంలో పవర్ స్టార్ పవన్ కళ్యాణ్ ప్రధాన పాత్రలో తెరకెక్కిస్తున్న ఓజీ లో విలన్ పాత్రలో నటిస్తున్నారు. సుజిత్, పవన్, ఇమ్రాన్ కాంబినేషన్ లో వస్తున్న ఈ క్రేజీ ప్రాజెక్ట్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. మరోవైపు ‘మేజర్‌’ సినిమాతో జాతీయ స్థాయిలో గుర్తింపు తెచ్చుకున్న టాలీవుడ్ హీరో అడివి శేష్‌ ప్రధాన పాత్రలో… 2018లో విడుదలై బ్లాక్ బస్టర్ గా నిలిచిన గుఢాచారి సినిమాకి సీక్వెల్ గా తెరకెక్కిస్తున్న ‘జీ 2’ (గుఢాఛారి 2) సినిమాలో… ఇమ్రాన్ హష్మీను ఓ కీలక పాత్రలో నటించబోతున్నట్లు తెలుస్తోంది.
Also Read : In the Belly of a Tiger: బెర్లిన్‌ ఫిల్మ్ ఫెస్టివల్ కు తెలుగు దర్శకుడి సినిమా !