Dhanush: అగ్ర హీరో ధనుష్ దర్శకత్వంలో తెరకెక్కుతున్న ‘ఇడ్లీకడై’ లో హీరోగా అరుణ్ విజయ్ ను ఎంపిక చేశారు. ఈ మూవీ వచ్చే యేడాది వేసవి సెలవుల్లో ప్రేక్షకుల ముందుకురానుంది. హీరో ధనుష్(Dhanush).. ఒకవైపు హీరోగా రాణిస్తూనే మరోవైపు దర్శకత్వం వహించడమేకాకుండా నిర్మాతగా చిత్రాలను నిర్మిస్తున్నారు. ఇటీవల ఆయన ‘రాయన్‌’ వంటి హిట్‌ చిత్రానికి దర్శకత్వం వహించడంతో పాటు దర్శకత్వం వహించారు. ఈ నేపథ్యంలో తన సొంత బ్యానరుపై ‘ఇడ్లీ కడై’ పేరుతో మరో కొత్త చిత్రానికి శ్రీకారం చుట్టారు.
Dhanush Direction..
ఈ సినిమాలో హీరోయిన్‌ నిత్యా మీనన్ ప్రధాన పాత్రను పోషిస్తుండగా, హీరోగా అరుణ్ విజయ్ ను ఖరారు చేశారు. కిరణ్‌ కౌశిక్‌ ఛాయాగ్రహణం అందించే ఈ చిత్రానికి జీవీ ప్రకాష్‌ కుమార్ సంగీతం. ఇందులో ధనుష్ అతిథి పాత్రలో కనిపించనున్నారు. ఇప్పటికే తేని, పొల్లాచ్చి తదితర ప్రాంతాల్లో సినిమాలోని ప్రధాన సన్నివేశాలను చిత్రీకరించారు. త్వరలోనే చెన్నైతో పాటు మరికొన్ని ప్రాంతాల్లో షూటింగ్ ప్రారంభించనున్నారు. చివరి దశ షూటింగ్‌ను దుబాయ్‌లో ప్లాన్‌ చేస్తున్నారు. అలాగే, ధనుష్ ‘నిలవుక్కు ఎన్‌మేల్‌ ఎన్నడి కోబం’ అనే చిత్రానికి కూడా దర్శకత్వం వహిస్తున్న విషయం తెల్సిందే.
ఇదిలా ఉండ‌గా సీనియ‌ర్ క్యారెక్ట‌ర్ న‌టుడు విజయ్ కుమార్ కుమారుడిగా అరుణ్ విజయ్ త‌మిళ‌నాట సినిమా ఇండ‌స్ట్రీలోకి అడుగు పెట్టి మూడు ద‌శాబ్దాలు కావొస్తుండ‌గా హీరోగా ఇప్పుడిప్పుడే వ‌రుస విజ‌యాలు అందుకుంటూ స్టార్ స్టేట‌స్‌కు స‌మీపంలో ఉన్నాడు. తెలుగులో రామ్ చ‌ర‌ణ్ బ్రూస్ లీ చిత్రంలో , ప్ర‌భాస్ స‌లార్ చిత్రాల్లో కీల‌క పాత్ర‌ల్లో న‌టించి మెప్పించాడు. ఈ సంవ‌త్స‌రం సంక్రాంతికి మిష‌న్ అనే చిత్రంతో వ‌చ్చి విజ‌యం దక్కించుకున్నాడు. ప్ర‌స్తుతం విజయ్ హీరోగా న‌టించిన 2 సినిమాలు విడుద‌ల‌కు రెడీగా ఉండ‌గా మరో రెండు సినిమాలు షూటింగ్ ద‌శ‌లో ఉన్నాయి.
Also Read : Game Changer : అభిమానులకు మరోసారి నిరాశ మిగిల్చిన ‘గేమ్ ఛేంజర్’ మేకర్స్