Devara: నందమూరి అభిమానులు, ప్రేక్షకులు ఎప్పుడెప్పుడా అని వెయిట్ చేస్తున్న ఎన్టీఆర్ ‘దేవర(Devara)’ సినిమా మరికొన్ని గంటల్లో ప్రపంచ వ్యాప్తంగా ప్రేక్షకుల ముందుకు రానుంది. ఒకవైపు రిలీజ్ కు సంబంధించి హడావుడి జరుగుతుంటే… మరోవైపు ఈ సినిమా ఓటీటీ స్ట్రీమింగ్ అప్పుడే అంటూ వార్తలు వైరల్ అవుతున్నాయి. ఈ సినిమా రిలీజ్‌కు ముందే ఓటీటీ స్ట్రీమింగ్‌కు సంబంధించి ఓ ఆసక్తికరమైన అప్డేట్ సోషల్ మీడియాలో చక్కర్లు కొడుతోంది.
Devara Movie OTT Updates
ఈ సినిమాను ఓటీటీలో చూడాలంటే 50 రోజులు వేచి చూడాల్సిందే అనేలా ఓ వార్త సినీ సర్కిల్స్‌లో వైరల్ అవుతోంది. ప్రపంచ వ్యాప్తంగా భారీ స్థాయిలో థియేటర్లలో రిలీజ్ అవుతున్న ఈ సినిమా హిందీ బాషలోనూ దేశవ్యాప్తంగా ఉన్న మల్టిప్లెక్స్‌లలో రిలీజ్ కానుంది. అయితే హిందీ సినిమా- మల్టిప్లెక్స్ చైన్‌ లతో చేసుకున్న ఒప్పందం ప్రకారం సినిమా థియేటర్లలో రిలీజైన 8 వారాల తర్వాతే ఓటీటీలో రిలీజ్ చేయాల్సి ఉంది. దీనితో ఓటీటీలోకి ‘దేవర(Devara)’ రావాలంటే విడుదలైన రోజునుండి కనీసం 50 రోజులు పడుతుంది. టాక్ పాజిటివ్‌ గా వస్తే మాత్రం కచ్చితంగా ఈ సినిమా ఓటీటీలోకి రావడానికి 8 వారాలకు పైనే పట్టొచ్చు. టాక్ తేడా కొడితే మాత్రం చెప్పలేం అంటూ చర్చ జరుగుతోంది.
మ్యాన్ ఆఫ్ మాసెస్, యంగ్ టైగర్ ఎన్టీఆర్ నుంచి 6 సంవత్సరాల తర్వాత సోలో మూవీగా ఈ మూవీ గ్రాండ్‌ గా థియేటర్లలోకి రాబోతోంది. కొరటాల శివ దర్శకత్వం వహించిన ఈ సినిమాలో జూనియర్ ఎన్టీయార్ సరసన జాన్వీ కపూర్ నటించగా…. బాలీవుడ్ స్టార్ హీరో సైఫ్ అలీ ఖాన్ విలన్‌గా నటించారు. హిందీ బెల్ట్ ఆడియెన్స్‌ ని థియేటర్లకి రప్పించడానికి ఈ కెపాసిటీ సరిపోతుంది. వీరితో పాటు శ్రీకాంత్, ప్రకాష్ రాజ్, రమ్య కృష్ణ, మురళి శర్మ, షైన్ టామ్ చాకో, చైత్ర రాయ్, శృతి మరాఠే కీలక పాత్రల్లో నటిస్తున్నారు. ఇదిలా ఉంటే దాదాపు 400 కోట్లతో నిర్మాణమైన ఈ సినిమా ఇప్పటికే 350 కోట్ల రికవరీని సాధించినట్లుగా టాక్ వినబడుతోంది. ఇంకా అన్ని భాషల శాటిలైట్ రైట్స్, బాలీవుడ్ రిలీజ్ నుంచి కూడా భారీగా ఆదాయం వచ్చే అవకాశాలున్నాయి.
Also Read : Vettaiyan: ఆశక్తికరంగా రజనీకాంత్ ‘వేట్టయన్‌: ద హంటర్‌’ తెలుగు ప్రివ్యూ వీడియో !