Hamaresh: చియాన్ విక్రమ్ ప్రధాన పాత్రలో తెరకెక్కించిన “నాన్న” సినిమాలో చైల్డ్ ఆర్టిస్ట్‌ గా నటించిన హమరేష్(Harmesh)… కోలీవుడ్ లో హీరోగా మారాడు. గోపురం ప్రొడక్షన్స్ బ్యానర్‌ లో రంగోలి పేరుతో నిర్మించిన సినిమాతో హీరోగా పరిచయం అయ్యాడు. తమిళం మంచి సక్సెస్ అందుకున్న ఈ సినిమాను ‘సత్య’ పేరుతో తెలుగులో విడుదల చేస్తున్నారు. ఈ నేపథ్యంలో హైదరాబాద్ లో ఏర్పాటు చేసిన ‘సత్య’ టీజర్ కార్యక్రమంలో చిత్రం లోని నటీనటులతో పాటు దర్శక నిర్మాతలు పాల్గొన్నారు.
Hamaresh As a Hero
ఈ సందర్బంగా దర్శకుడు వాలి మోహన్ దాస్ మాట్లాడుతూ…. ‘నాకు తెలుగు అంటే చాలా ఇష్టం. ఈ సినిమా చేసినందుకు సంతోషంగా ఉంది. అందరూ చాలా బాగా చేశారు. సత్య సినిమా నాకు చాలా స్పెషల్. ఎందుకంటే ఇది నా మొదటి సినిమా, మొదటి హీరో, మొదటి హీరోయిన్, మొదటి ప్రొడ్యూసర్.. నా అనుభవం నుంచి తీసిన కథ ఇది’ అని డైరక్టర్ వాలి మోహన్ దాస్ చెప్పారు.
ఈ కార్యక్రమంలో నిర్మాత సతీష్‌ మాట్లాడుతూ… విక్రమ్ “నాన్న” మూవీలో చైల్డ్ ఆర్టిస్ట్‌ గా, లోకేష్ కనగరాజ్ ‘నగరం’ మూవీలో ఓ పాత్రలో హమరేష్(Hamaresh) నటించాడు. అప్పుడు హమరేష్ లో ఉన్న ప్యాషన్‌ నాకు అర్ధం కాలేదు. పోను పోను తను పెట్టే ఎఫర్ట్ అర్ధమై… గోపురం ప్రొడక్షన్స్ బ్యానర్‌లో రంగోలి పేరుతో ఈ సినిమా స్టార్ట్ చేశాం. తమిళంలో ఈ మూవీ పెద్ద సక్సెస్ అయ్యింది.. తెలుగులోనూ ఆదరిస్తారనుకుంటున్నాం అన్నారు.
హీరో హమరేష్ మాట్లాడుతూ… రంగోలి అనే తమిళ సినిమాని తెలుగులో సత్యగా మీ ముందుకు తీసుకువస్తున్నాము. చెన్నైలో రిలీజ్ అయ్యే ప్రతి తెలుగు సినిమా థియేటర్ లో చూసే వాడిని… ఈ తెలుగు స్టేజ్ కు ఉన్న పవర్ నాకు తెలుసు. నాన్న శ్రీశైలం, అమ్మ చెన్నై కావడంతో నాకు తెలుగు, తమిళ ఇండస్ట్రీలు రెండు కళ్ళతో సమానం అన్నారు.
Also Read : Meera Jasmine: మీరా జాస్మిన్‌ ఇంట విషాదం !