Buddy: అల్లు శిరీష్ హీరోగా, గాయత్రి భరద్వాజ్, ప్రిషా రాజేశ్ సింగ్ హీరోయిన్లుగా నటించిన తాజా చిత్రం ‘బడ్డీ(Buddy)’. ఈ సినిమాను శామ్ ఆంటోన్‌ దర్శకత్వంలో తెరకెక్కించారు. అడ్వెంచర్‌ అండ్ యాక్షన్ ఎంటర్‌టైనర్‌ గా రూపొందించిన ఈ సినిమాను స్టూడియో గ్రీన్ ఫిల్మ్స్‌ బ్యానర్‌పై కేఈ జ్ఞానవేల్ రాజా, అధన జ్ఞానవేల్ రాజా నిర్మించారు. విభిన్నమైన కాన్సెప్ట్‌తో తెరకెక్కిన ఈ చిత్రం ఆగస్టు తొలివారంలో థియేటర్లలో విడుదలై మిశ్రమ స్పందనలు సొంతం చేసుకుంది. ఇప్పుడీ చిత్రం ఓటీటీ విడుదలకు సిద్ధమైంది. నెట్‌ఫ్లిక్స్‌ వేదికగా ఆగస్టు 30 నుంచి ఇది అందుబాటులో ఉండనుంది. తెలుగుతోపాటు తమిళం, మలయాళం, కన్నడ భాషల్లో ఇది స్ట్రీమింగ్ కానుంది.
Buddy – ‘బడ్డీ’ కథేమిటంటే ?
ఆదిత్య (అల్లు శిరీష్) పైలెట్‌. విధి నిర్వ‌హ‌ణ‌లో భాగంగా ఎయిర్ ట్రాఫిక్ కంట్రోల్ రూమ్‌ తో త‌ర‌చూ మాట్లాడుతుంటాడు. ఈ క్రమంలోనే అక్క‌డ ప‌ని చేసే పల్లవి (గాయ‌త్రీ భరద్వాజ్)తో మాట‌లు క‌లుస్తాయి. వాళ్లిద్ద‌రూ పరస్పరం చూసుకోకున్నా… ఆ మాట‌ల పరిచయం ప్రేమ‌గా మారుతుంది. స‌రైన సంద‌ర్భం చూసి ఆదిత్యకు త‌న‌ని పరిచయం చేసుకుని మ‌న‌సులో మాట చెప్పాల‌నుకుంటుంది పల్లవి. కానీ, ఓ రోజు ఆమె చేసిన చిన్న పొర‌పాటుతో ఆదిత్యను ఉద్యోగం నుంచి స‌స్పెండ్ చేస్తారు. అతడిని నేరుగా కలిసి క్షమాపణ చెప్పాలనుకున్న పల్లవి కిడ్నాప్ అవుతుంది. ఈ క్రమంలో జరిగిన గొడవ కారణంగా ఆమె కోమాలోకి వెళ్ల‌గా… ఆమె ఆత్మ ఓ టెడ్డీబేర్‌ లోకి చేరుతుంది. ప్రాణం ఉండ‌గానే పల్లవి ఆత్మ బ‌య‌ట‌కెలా వ‌చ్చింది ? ఆమెను కిడ్నాప్ చేసిన ముఠాతో.. హాంకాంగ్‌ లో ఉన్న డాక్ట‌ర్ అర్జున్ కుమార్ వ‌ర్మ (అజ్మ‌ల్‌)కూ ఉన్న సంబంధం ఏంటి ? ప‌ల్ల‌విని ఆదిత్య ఎలా కాపాడాడు ? అన్న‌ది క‌థ. దీనిని శామ్ ఆంటోనీ ఆశక్తికరంగా తెరకెక్కించారు.
Also Read : Megha Akash: ప్రియుడితో నితిన్ బ్యూటీ మేఘా ఆకాష్‌ నిశ్చితార్థం !