Bobby Deol: పాత్ర ఏదైనా అలవోకగా నటించగల సత్తా ఉన్న బాలీవుడ్ నటి అలియా భట్. హైవే, ఉడ్తా పంజాబ్, రాజీ, గల్లిబాయ్, గంగుభాయ్ కతియావాడి వంటి ఎన్నో సినిమాలకు ఉత్తమ నటిగా అవార్డు పొందిన అలియా… ఇప్పుడు యాక్షన్ సినిమాలు చేయడానికి సిద్ధమౌతోంది. అలియా భట్, శర్వరీ వాఘ్‌ లీడ్‌ రోల్స్‌లో ప్రముఖ నిర్మాణ సంస్థ యశ్‌ రాజ్ ఫిలిమ్స్ పతాకంపై ఓ స్పై యాక్షన్ థ్రిల్లర్‌ సినిమాకు గ్రీన్ సిగ్నల్ ఇచ్చినట్లు తెలుస్తోంది. యశ్‌ రాజ్ ఫిలిమ్స్ స్పై యూనివర్స్‌ లో భాగంగా రానున్న ఈ సినిమాలో ‘యానిమల్‌’ చిత్రంలో విలన్ పాత్రలో కనిపించి ప్రశంసలు అందుకున్న ప్రముఖ బాలీవుడ్ నటుడు బాబీ డియోల్ విలన్ గా నటించనున్నారని సమాచారం. ఇందులో బాబీ సరికొత్త అవతారంలో కనిపించనున్నారని టాక్. ఈ ఏడాది చివర్లోనే ఈ సినిమా షూటింగ్ ప్రారంభం కానుందటని బీటౌన్ టాక్. శివ్‌ రావైల్‌ ను దర్శకుడిగా పరిచయం చేస్తూ, ఆదిత్యా చోప్రా ఈ సినిమాను నిర్మించనున్నారు.
Bobby Deol Movie Updates
గతంలో ‘రాజీ’ సినిమాలో స్పై పాత్రలో నటించిన ఆలియా భట్… మళ్లీ ఈ సినిమాలో ఆ తరహా పాత్రను ఓకే చేయడం విశేషం. ఇక ‘యానిమల్‌’లో విలన్ రోల్‌ లో బాబీ డియోల్(Bobby Deol) విజృంభించిన విషయం తెలిసిందే. ప్రస్తుతం బాబీ డియోల్ … సూర్య కంగువా సినిమాలో కూడా విలన్ గా నటిస్తున్నారు. ఈ సినిమా ప్రపంచ వ్యాప్తంగా 38 భాషల్లో విడుదల కానుంది. దీనితో యశ్‌ రాజ్ ఫిలింస్‌ తాజా చిత్రంలో విలన్ గా సై అంటే… మరోసారి బాబీ నెగటివ్‌ పెర్ఫార్మెన్స్‌ని చూసే వీలు దక్కుతుంది.
Also Read : Anatomy of a Fall: ఓటీటీలోనికి హాలీవుడ్ బ్లాక్ బస్టర్ ‘అనాటమీ ఆఫ్ ఎ ఫాల్’ !