బాలీవుడ్ న‌టుడు అజ‌య్ దేవ‌గ‌న్ , త‌మిళ సినీ రంగానికి చెందిన జ్యోతిక క‌లిసి న‌టించిన బ్లాక్ మ్యాజిక్ పై ఉత్కంఠ నెల‌కొంది. ఇప్ప‌టికే విడుద‌లైన ఈ చిత్రానికి సంబంధించిన పోస్ట‌ర్స్ , టీజ‌ర్ ఆక‌ట్టుకుంది. జియో స్టూడియోస్ ప్రాజెక్టు టేకోవ‌ర్ చేసింది.
ధ‌ర్మ శ‌క్తుల‌ను మూర్తీ భ‌వించిన కుటుంబంతో మంచి, చెడుల మ‌ధ్య జ‌రిగే యుద్ధాలకు సంబంధించిన క‌థ. అమీల్ కీయాన్ ఖాన్ రాస్తే వికాస్ బ‌హ‌ల్ ద‌ర్శ‌క‌త్వం వ‌హించారు. ఆర్. మాధ‌వ‌న్ కూడా ఇందులో కీల‌క పాత్ర పోషిస్తున్నారు. ఆయ‌న ఇప్ప‌టికే రాకెట్రీ మూవీకి గాను ఉత్త‌మ న‌టుడిగా అవార్డు పొందాడు.
అజ‌య్ , జ్యోతికతో పాటు జాంకీ బోడివాలా, పాల‌క్ ల‌ల్వానీ, అంగ‌ద్ రాజ్ , ధృవ, హితేన్ ప‌టేల్ , న‌వీన్ సింగ్, మ‌నోజ్ ఆనంద్ , రిచా ప్ర‌కాష్, కిసోర్ భ‌ట్ , అవినాశి శ‌ర్మ, సందీప్ చౌద‌రి, సంతోష్ సింగ్ , గుర్నితా కౌర్ క‌హ్లోన్ , రోష్నీ కౌర్ , మ‌హ్మ‌ద్ అస్లాం, సుష్మా శ‌ర్మ ఇందులో పాలు పంచుకున్నారు.
ఈ చిత్రం త్వ‌ర‌లోనే విడుద‌ల కానుంద‌ని బ్లాక్ మ్యాజిక్ మూవీ మేక‌ర్స్ వెల్ల‌డించారు. రాబోయే చిత్రంపై అజ‌య్ దేవ‌గ‌న్ , జ్యోతిక ఫ్యాన్స్ ఉత్కంఠ‌తో ఎదురు చూస్తున్నారు.