చరణ్ సినిమాలో ‘బిగ్‌బాస్‌’ కంటెస్టెంట్
Big Boss 7 : ఆర్ ఆర్ ఆర్ సినిమా తరువాత గ్లోబల్ స్టార్ గా మారిన రామ్ చరణ్ సినిమాలో అవకాశం కోసం ఎంతోమంది యువనటీనటులు ఎదురుచూస్తుంటారు. ప్రస్తుతం ప్రముఖ దర్శకుడు శంకర్ దర్శకత్వం వహిస్తున్న గేమ్ ఛేంజర్ లో అయినా… ఆ తరువాత ఉప్పెన ఫేం బుచ్చిబాబు సన దర్శకత్వం వహిస్తున్న పాన్ ఇండియా సినిమాలో అయినా… ఒక్క అవకాశం వస్తే చాలు అనుకుంటారు. అయితే ఈ అవకాశాన్ని ‘బిగ్‌బాస్‌’ సీజన్‌ 7(Big Boss 7) కంటెస్టెంట్ ను వరించినట్లు దర్శకుడు బుచ్చిబాబు స్వయంగా ప్రకటించారు. కింగ్ నాగార్జున హోస్ట్ గా వ్యవహరిస్తున్న ‘బిగ్‌బాస్‌’ సీజన్‌ 7 కు దీపావళి స్పెషల్ ఎపిసోడ్ కు ముఖ్య అతిధిగా విచ్చేసిన దర్శకుడు బుచ్చిబాబు… ‘బిగ్‌బాస్‌’ సీజన్‌ 7 కంటెస్టెంట్ అంబటి అర్జున్ ను ఓ ముఖ్య పాత్రకు ఎంపిక చేసినట్లు ప్రకటించారు. దీనితో అటు అర్జున్ తో పాటు ఆ ఎపిసోడ్ కు విచ్చేసిన అతని కుటుంబ సభ్యుల ఆనందానికి అవధులు లేకుండా పోయాయి.
Big Boss 7 – ఎవరీ అంబటి అర్జున్…
‘బిగ్‌బాస్‌’ సీజన్‌ 7(Big Boss 7) లో వైల్డ్ కార్డ్ తో ఎంట్రీ ఇచ్చిన అంబటి అర్జున్… బిగ్‌బాస్‌ ఇచ్చిన అన్ని టాస్క్‌ల్లో అదరగొట్టిన ఆయన ఓసారి కెప్టెన్‌ కూడా అయ్యాడు. ఇందులో భాగంగా బిగ్‌బాస్‌ హౌస్‌లోకి వెళ్లిన అర్జున్ ఆట తీరును అటు హోస్ట్ నాగార్జున తో పాటు బిగ్ బాస్ ప్రేక్షకులు కూడా మెచ్చుకున్నారు. దీపావళి పురస్కరించుకుని షో హోస్ట్ నాగార్జున.. కంటెస్టెంట్‌ల బంధువులు, స్నేహితులు, పలువురు సినీ ప్రముఖులను ఆహ్వానించారు. ఇందులో భాగంగా బిగ్‌బాస్‌ హౌస్‌లోకి వెళ్లిన బుచ్చిబాబు… అర్జున్ ఆట తీరును మెచ్చుకున్నారు. బుచ్చిబాబు ప్రశంసలపై స్పందించిన అర్జున్… ‘బుచ్చి అన్నా.. నా కోసం వచ్చినందుకు థ్యాంక్స్‌. మీ ఉప్పెన చిత్రానికి అవార్డు వచ్చిన తర్వాత మిమ్మల్ని కలవడానికి రెండు మూడుసార్లు ఆఫీస్‌కు వచ్చాను. మీరు చెన్నై వెళ్లారని చెప్పారు.
ఫోన్‌ చేద్దామన్నా కుదరలేదు. ఈలోగా ఇటు రావాల్సి వచ్చింది’ అని అన్నాడు. దీనితో డైరెక్టర్ బుచ్చిబాబు ఒక్కసారిగా ‘రామ్ చరణ్ సర్‌ సినిమాలో సూపర్‌ క్యారెక్టర్‌ చేయబోతున్నావ్‌. ఫిక్స్‌ అయిపో’ అంటూ పండగ వేళ అర్జున్‌కి ఊహించని కానుక ఇచ్చారు. దీనితో అంబటి అర్జున్ తో పాటు అతని కుటుంబ సభ్యులు, ఇతర బిగ్ బాస్ కంటెస్టెంట్లు ఒక్కసారిగా అమితానందంలో మునిగిపోయారు. దర్శకుడు బుచ్చిబాబు ఇచ్చిన అవకాశంపై స్పందించిన అర్జున్.. ‘మీ మొదటి చిత్రంలాగానే ఇది కూడా బ్లాక్ బస్టర్‌ అయి, ఇంకో నాలుగైదు అవార్డులు గెలవాలి’ అని ఆకాంక్షించాడు. ‘బుచ్చి అన్న ఎప్పుడూ ఒకేలా ఉంటారు. ఇంకో పది సినిమాలు బ్లాక్‌బస్టర్ హిట్‌ అయినా, ఆయన చాలా కూల్‌గా ఉంటారు. తెలిసిన వాళ్లు, తెలియని వాళ్లు ఎవరు వచ్చిన గౌరవంగా మాట్లాడతారు’ అంటూ బుచ్చిబాబుపై ప్రశంసల వర్షం కురిపించాడు
పాన్ ఇండియా సినిమాగా ఆంధ్ర భీముడు బయోపిక్ ?
ఉప్పెన సినిమాతో జాతీయ అవార్డు అందుకున్న సుకుమార్ శిష్యుడు, యువ దర్శకుడు బుచ్చిబాబు సన దర్శకత్వంలో గ్లోబల్ స్టార్ రామ్ చరణ్ హీరోగా ఓ సినిమాను ప్రకటించారు. ఈ సినిమాకు సంబంధించి స్క్రిప్ట్ అంతా సిద్ధం చేసుకున్నారు. ఉత్తరాంధ్ర గ్రామీణ ఆట నేపధ్యంలో తెరకెక్కబోతున్న ఈ సినిమాకు ఏఆర్ రెహమాన్ మ్యూజిక్ అందిస్తున్నారు. ప్రస్తుతం శంకర్ దర్శకత్వంలో గేమ్ ఛేంజర్ లో నటిస్తున్న రామ్ చరణ్… అది పూర్తవగానే ఈ సినిమా సెట్లో అడుగుపెట్టనున్నారు. మరోవైపు ఈ సినిమా ఆంధ్రా భీముడు కోడి రామ్మూర్తి జీవిత కథ ఆధారంగా తెరకెక్కిస్తున్నట్లు సినీ ఇండస్ట్రీలో టాక్ నడుస్తోంది.
Also Read : Bole Shavali : బిగ్ బాస్ ను వీడిన బోలే