వ్యాపారరంగంలో అడుగుపెట్టిన ఖుషి బ్యూటీ !
యువకుడు సినిమాతో అక్కినేని వారసుడు సుమంత్ సరసన టాలీవుడ్ లో అడుగుపెట్టిన ముంబై భామ భూమిక చావ్లా. ఆ తరువాత పవన్ కళ్యాణ్ తో కలిసి ఖుషీ సినిమాతో బ్లాక్ బస్టర్ హిట్ కొట్టింది. అనంతరం మిస్సమ్మ, సింహాద్రి, వాసు, ఒక్కడు లాంటి సూపర్‌ హిట్ సినిమాలతో టాలీవుడ్ లో సుస్థిత స్థానం సంపాదించుకుంది. మిస్సమ్మ చిత్రానికి గాను ఉత్తమ నటిగా నంది పురస్కారం కూడా అందుకొంది. అయితే గత కొంతకాలంగా సినిమాలకు గ్యాప్ ఇచ్చిన భూమిక… ఇటీవల సెకండ్ ఇన్నింగ్స్ ను ప్రారంభించింది. సుశాంత్ సింగ్ రాజ్ పుత్ ప్రధాన పాత్రల్లో తెరకెక్కించిన బయోపిక్ ఎంఎస్‌ ధోని, నేచురల్ స్టార్ నాని నటించిన ఎంసిఏలో సూటబుల్ క్యారెక్టర్లలో నటించి అభిమానులను మెప్పించింది. ప్రస్తుతం కంగనా రనౌత్‌ నటిస్తోన్న ఎమర్జన్సీ చిత్రంలో కీలక పాత్ర పోషిస్తోంది.
అయితే సెకండ్ ఇన్నింగ్స్ లో ఒక పక్క సినిమాలతో బిజీగా ఉంటున్న భూమిక… తాజాగా వ్యాపారరంగంలోకి అడుగుపెట్టింది. ఇటీవల గోవా వేదికగా ‘సమర వెల్‌నెస్‌’ పేరుతో గోవాలో ఓ స్టార్ హోటల్‌ ప్రారంభింది. ఇదే విషయాన్ని తన ఇన్‌స్టా వేదికగా పంచుకుంది. దీనితో భూమికకు అభిమానులు, నెటిజన్లు అభినందనలు తెలుపుతున్నారు.