Bhagyashri Borse : తెలుగు మీద మరో సెన్సేషన్ క్రియేట్ అవుతోంది. నిన్న మొన్నటి వరకు టాలీవుడ్‌లో హల్ చల్‌ చేసిన శ్రీలీల, కృతి శెట్టి కాస్త సైడ్ ఇవ్వటంతో ఇప్పుడు ఆ ప్లేస్‌ మీద కర్చీఫ్ వేస్తున్నారు ఓ నార్త్ బ్యూటీ. త్వరలో ఓ క్రేజీ ప్రాజెక్ట్‌తో ఆడియన్స్ ముందుకు వచ్చేందుకు రెడీ అవుతున్న ఈ బ్యూటీ. ఆల్రెడీ మరో మూడు నాలుగు సౌత్ ప్రాజెక్ట్స్‌కు ఓకే చెప్పారు ఈ బ్యూటీ. ఉప్పెన సినిమాతో వెండితెర మీదకు ఉప్పెనలా దూసుకు వచ్చిన బ్యూటీ కృతి శెట్టి. తొలి సినిమానే బ్లాక్‌ బస్టర్ హిట్ కావటంతో వరుస అవకాశాలతో బిజీ అయ్యారు కృతి.
Bhagyashri Borse..
కానీ ఈ జోరు కంటిన్యూ చేయటంలో మాత్రం ఫెయిల్ అయ్యారు బేబమ్మ. ప్రజెంట్‌ కృతి చేతిలో ఒక్క తెలుగు సినిమా కూడా లేదు. కానీ తమిళ, మలయాళ భాషల్లో మాత్రం సినిమాలు చేస్తున్నారు. కృతి లాగే టాలీవుడ్‌లో సెన్సేషన్ సృష్టించిన మరో బ్యూటీ శ్రీలీల. వరుస హిట్స్‌తో మంచి ఫామ్‌లో కనిపించిన ఈ బ్యూటీ తరువాత స్లో అయ్యారు. శ్రీలీల కెరీర్‌ స్టార్టింగ్‌లో ఒకటి రెండు సినిమాలు మాత్రమే సక్సెస్ అయ్యాయి.
తరువాత వరుస ఫ్లాప్‌లతో డీలా పడిపోయారు ఈ బ్యూటీ. దీంతో వీళ్ల ప్లేస్‌ను కబ్జా చేసేందుకు మరో బ్యూటీ టాలీవుడ్ ఎంట్రీకి రెడీ అవుతున్నారు. రవితేజ హీరోగా తెరకెక్కుతున్న మిస్టర్ బచ్చన్ సినిమాతో సౌత్ ఎంట్రీ ఇస్తున్నారు భాగ్యశ్రీ బోర్సే. సౌత్‌లో తొలి సినిమా రిలీజ్‌ కాకముందే భాగ్యశ్రీ(Bhagyashri Borse) ఖాతాలో మరో మూడు సినిమాలు చేరాయి. దీంతో ఈ బ్యూటీ కూడా మరో సిల్వర్‌ స్క్రీన్ సెన్సేషన్ అయ్యే ఛాన్స్ ఉందంటున్నారు క్రిటిక్స్‌. అయితే భాగ్యశ్రీ అయినా ఆ ఇమేజ్‌ను కంటిన్యూ చేస్తారా.. లేక కృతి, శ్రీలీల లాగే ఫేడ్‌ అవుట్ అవుతారా చూడాలి.
Also Read : Raghava Lawrence : మరోసారి తన గొప్ప మనసు చాటుకున్న రాఘవ లారెన్స్