నంద‌మూరి న‌ట సింహం బాల‌కృష్ణ, శ్రీ‌లీల, కాజ‌ల్ అగ‌ర్వాల్ క‌లిసి న‌టించిన చిత్రం భగవంత్ కేస‌రి అద్భుత విజ‌యాన్ని న‌మోదు చేసింది. అనిల్ రావిపూడి గ‌తంలో తీసిన సినిమాల కంటే భిన్నంగా తీశాడు. సెంటిమెంట్ ని హైలెట్ చేస్తూ బాల‌య్య‌ను ఓ రేంజ్ లో చూపించాడు.
గ‌తంలో త‌ను క‌ళ్యాణ్ రామ్ తో పటాస్ తీశాడు. అది బిగ్ స‌క్సెస్ . ఆ త‌ర్వాత ప్రిన్స్ మ‌హేష్ బాబుతో స‌రిలేరు నీకెవ్వ‌రు మూవీ తీశాడు. ఇది కూడా భారీ వ‌సూళ్ల‌ను రాబ‌ట్టింది. చాలా కాలం గ్యాప్ త‌ర్వాత విజ‌య శాంతికి మంచి రోల్ ఇచ్చాడు.
కేవ‌లం మ‌హేష్ బాబు కోస‌మే తాను న‌టించాన‌ని చెప్పింది ఆమె. ఇది ప‌క్క‌న పెడితే తాజాగా విడుద‌లైన భగవంత్ కేస‌రి ఏకంగా రూ. 100 కోట్ల క‌లెక్ష‌న్స్ సాధించింది. ఈ చిత్రంతో పాటు త‌ళ‌ప‌తి లియో, మాస్ మ‌హ‌రాజా ర‌వితేజ , నుపురు స‌న‌న్ తో తీసిన టైగ‌ర్ నాగేశ్వ‌ర్ రావు రిలీజ్ అయ్యాయి. కానీ భగవంత్ కేస‌రి ఎక్క‌డా ఆగ‌లేదు.
బాల‌కృష్ణ మేన‌రిజం, శ్రీ‌లీల న‌ట‌న , కాజ‌ల్ అభిన‌యం అన్నీ ఆక‌ట్టుకున్నాయి. తాజాగా భగవంత్ కేస‌రి గురించి అప్ డేట్ వ‌చ్చింది. భారీ ధ‌ర‌కు అమెజాన్ ప్రైమ్ చేజిక్కించుకున్న‌ట్లు టాక్. ఈ నెల 23న స్ట్రీమింగ్ కానుంది. బాల‌య్య అభిమానుల‌కు ఇక పండ‌గేన‌ని చెప్ప‌క త‌ప్ప‌దు.