Balakrishna: నందమూరి బాలకృష్ణ వ్యాఖ్యాతగా వ్యవహరిస్తున్న సక్సెస్ ఫుల్ టాక్‌ షో ‘అన్‌స్టాపబుల్‌’. ప్రముఖ ఓటీటీ ఫ్లాట్ ఫాం’ఆహా’లో స్టీమింగ్‌ అయ్యే ఈ టాక్‌ షో తో తన ఫ్యాన్ బేస్‌ను రెట్టింపు చేసుకున్నారు నందమూరి బాలకృష్ణ. ఇప్పటికే మూడు సీజన్లు పూర్తి చేసుకున్న ఈ షో నాలుగో సీజన్ కోసం సిద్ధమవుతోంది. ఇప్పటికే దీనికి సంబంధించిన పనులు కూడా పూర్తయ్యాయి. కొత్త సీజన్ సరికొత్త సర్‌ప్రైజ్‌ లతో సిద్ధమవుతోన్నట్లు సమాచారం. ఇప్పటికే టాలీవుడ్ కు చెందిన పలువురు కథానాయకులు, దర్శకులు, ఇతర ప్రముఖులతో సందడి చేసిన ఈ షో ఇప్పుడు మరింత జోష్‌తో సాగనుంది. ఈసారి ముఖ్య అతిథిగా అగ్ర కథానాయకుడు చిరంజీవి రాబోతున్నట్లు సమాచారం. అయితే అధికారికంగా ప్రకటన వెలువడటమే తరువాయి. మెగాస్టార్ చిరంజీవి(Chiranjeevi) పుట్టినరోజు సందర్భంగా ఈ ప్రకటన వెలువడవచ్చని టాక్‌ వినిపిస్తోంది.
Balakrishna- Chiranjeevi…
తెలుగు చిత్ర పరిశ్రమలో చిరంజీవి, బాలకృష్ణల(Balakrishna)ది ప్రత్యేక స్థానం. మాస్‌ హీరోలుగా వాళ్లకున్న క్రేజ్‌ గురించి ప్రత్యేకంగా చెప్పాల్సిన పనిలేదు. అలాంటి స్టార్లు ఒకే వేదికపై కనిపిస్తే, అభిమానులకు అంతకుమించిన వినోదం ఏముంటుంది. చిరుతో పాటు, మరో అగ్ర కథానాయకుడు నాగార్జున కూడా ఈ సారి పాల్గొంటారని తెలుస్తోంది. వీళ్లతో పాటు, మరికొన్ని సర్‌ప్రైజ్‌ ఉంటాయని తెలుస్తుంది. తమిళ చిత్ర పరిశ్రమ నుంచి కమల్‌హాసన్ రజనీకాంత్ వంటి స్టార్లు కూడా అతిథులుగా రాబోతున్నారని టాక్‌. దీనిపై ‘ఆహా’ నుంచి అధికారిక ప్రకటన వెలువడాల్సి ఉంది.
ఇప్పటికే ‘అన్‌స్టాపబుల్‌’ షోలో పలువురు సెలబ్రిటీలను తనదైన చలాకీతనంతో ఇంటర్వ్యూలు చేసి షోకు విపరీతంగా క్రేజ్‌ పెంచారు బాలయ్య. ఇప్పటికి మూడు సీజన్లు పూర్తి చేసుకున్న ఈ షో కొత్త సీజన్ కోసం సిద్థమవుతోంది. ఇప్పటికే దీనికి సంబంధించిన పనులు కూడా పూర్తయ్యాయి. అక్టోబర్‌ 10న ప్రారంభం కాబోయే తదుపరి సీజన్ కు ముఖ్య అతిథిగా అగ్ర కథానాయకుడు మెగాస్టార్ చిరంజీవి హాజరు కానున్నట్లు సమాచారం. అయితే ఇంకా అధికారిక ప్రకటన అయితే రాలేదు. చిరు పుట్టినరోజు సందర్భంగా ఆ ప్రకటన రావచ్చని టాక్‌ వినిపిస్తోంది.
Also Read : Hide N Seek: హైడ్ న్ సిక్ పోస్టర్ విడుదల చేసిన హీరో శివాజీ !