Bagheera : ‘ఉగ్రమ్’ ఫేమ్ రోరింగ్ స్టార్ శ్రీమురళి నటిస్తోన్న ఎక్సయిటింగ్ యాక్షన్ ఎంటర్‌టైనర్ చిత్రం ‘బఘీర(Bagheera)’. ఇది శ్రీమురళికి ఫస్ట్ తెలుగు రిలీజ్. సంచలన దర్శకుడు ప్రశాంత్ నీల్ ఈ చిత్రానికి కథ అందించారు. డాక్టర్ సూరి దర్శకత్వం వహిస్తున్నారు. ‘ కెజియఫ్’ సిరీస్ చిత్రాల నిర్మాణ సంస్థ హోంబలే ఫిలింస్ బ్యానర్‌పై విజయ్ కిరగందూర్ నిర్మించిన ఈ చిత్రానికి బి అజనీష్ లోక్‌నాథ్ సంగీతం అందిస్తున్నారు. తాజాగా ఫస్ట్ సింగిల్ ‘రుధిర హర’ను విడుదల చేయడం ద్వారా మేకర్స్ మ్యూజిక్ జర్నీ ప్రారంభించారు.
Bagheera Movie Updates
‘రుధిర హర’ సాంగ్ విషయానికి వస్తే.. న్యాయానికి సంబంధించిన ఈ సాంగ్ అనేక రకాల భావోద్వేగాలతో పవర్ ఫుల్ కంపోజిషన్‌తో ఆకట్టుకుంటోంది. రాంబాబు గోసాల ఇంపాక్ట్ ఫుల్ లిరిక్స్ బ్యాక్ డ్రాఫ్‌ని పవర్ ఫుల్‌గా ప్రజెంట్ చేస్తుండగా.. అనిరుద్ధ శాస్త్రి డైనమిక్‌ వోకల్స్‌తో ఈ పాటకు మరింత ఎనర్జీ తీసుకొచ్చారు. సినిమాలో ఇంటెన్స్ యాక్షన్, థ్రిల్లింగ్ సన్నివేశాలతో పాటు, ఎమోషనల్ డెప్త్ కూడా ఉంటుందని ఈ సాంగ్ తెలియజేస్తోంది. ప్రస్తుతం ఈ సాంగ్ టాప్‌లో ట్రెండ్ అవుతోంది.
‘ బఘీర(Bagheera)’ చిత్రంలో రుక్మిణి వసంత్ హీరోయిన్‌గా నటిస్తుండగా.. ప్రకాష్ రాజ్, రంగాయణ రఘు, అచ్యుత్ కుమార్, గరుడ రామ్ వంటి ప్రతిభావంతులైన నటీనటులు ముఖ్యమైన పాత్రలు పోషిస్తున్నారు. టాప్ టెక్నీషియన్స్ ఈ సినిమాకి పని చేస్తున్నారు. ఎజె శెట్టి డీవోపీ కాగా, ప్రణవ్ శ్రీ ప్రసాద్ ఎడిటర్, రవి సంతేహక్లు ఆర్ట్ డైరెక్టర్‌గా బాధ్యతలను నిర్వహిస్తున్నారు. పలు బ్లాక్‌బస్టర్‌లను విజయవంతంగా డిస్ట్రిబ్యూషన్ చేసిన టాలీవుడ్ టాప్ డిస్ట్రిబ్యూషన్ హౌస్ ఏషియన్ సురేష్ ఎంటర్‌టైన్‌మెంట్ ఎల్‌ఎల్‌పి ఈ చిత్రాన్ని తెలుగు ప్రేక్షకుల ముందుకు తీసుకువస్తోంది. దీపావళి కానుకగా అక్టోబర్ 31న ప్రపంచవ్యాప్తంగా థియేటర్లలో విడుదలయ్యేందుకు ఈ సినిమా ముస్తాబవుతోంది.
Also Read : Akhil Akkineni : ఓ కొత్త పిరియాడికల్ డ్రామా లో కనిపించనున్న అఖిల్ అక్కినేని