Aye: వరుస విజయాలతో దూసుకెళుతోన్న జీఏ2 పిక్చ‌ర్స్ బ్యాన‌ర్ నుంచి రాబోతోన్న లేటెస్ట్ మూవీ ‘ఆయ్(Aye)’. ‘మ్యాడ్’ చిత్రంతో మెప్పించిన యంగ్ హీరో నార్నే నితిన్, నయన్ సారిక జంటగా నటించిన ఈ సినిమాతో అంజి కె.మణిపుత్ర దర్శకుడిగా ప‌రిచ‌యం అవుతున్నారు. టాలీవుడ్ ఏస్ ప్రొడ్యూసర్ అల్లు అరవింద్ సమర్పణలో బ‌న్నీ వాస్‌, విద్యా కొప్పినీడి ఈ చిత్రాన్ని నిర్మిస్తున్నారు. ఈ సినిమా ప్రారంభం నుంచి వైవిధ్య‌మైన ప్ర‌మోష‌న్స్‌తో ఆడియెన్స్‌ను ఆక‌ట్టుకుంటోంది. ఈ సినిమా నుంచి విడుదలైన పాట‌లు, టీజ‌ర్‌, ట్రైల‌ర్‌, రీల్స్‌, షార్ట్స్ అన్నీ ప్రేక్ష‌కల నుంచి మంచి స్పందనను రాబట్టుకుంటూ.. సినిమాపై మంచి అంచనాలు ఏర్పడేలా చేశాయి.
Aye Movie Updates
తాజాగా ఈ సినిమా సెన్సార్ కార్యక్రమాలు పూర్తి చేసుకుని… యుబైఏ సర్టిఫికేట్‌ను సొంతం చేసుకుని పూర్తి స్థాయిలో విడుదలకు సిద్ధమైంది. గోదావ‌రి జిల్లా బ్యాక్ డ్రాప్, అక్క‌డున్న ప్రెండ్స్‌కు సంబంధించిన క‌థ‌తో ఫ‌న్నీ ఎంట‌ర్‌టైన‌ర్‌ గా తెర‌కెక్కిన ఈ చిత్రం సెన్సార్ నుంచి యుబైఏ సర్టిపికేట్‌ను సొంతం చేసుకుంది. సినిమా రన్ టైమ్‌ ను 2 గంట‌ల 21 నిమిషాలకు ఫిక్స్ చేశారు. ఔట్ అండ్ ఔట్ హిలేరియ‌స్ ఎంట‌ర్‌టైన‌ర్‌గా ఈ చిత్రం అల‌రించ‌నుందని, కుటుంబంలోని భావోద్వేగాలు, స్నేహం, కామెడీ, రొమాన్స్‌తో పాటు చ‌క్క‌టి ట్విస్టుతో సినిమాను తెర‌కెక్కించినట్లుగా మేకర్స్ తెలిపారు. ఈ చిత్రం ఆగ‌స్ట్ 15న గ్రాండ్‌‌గా థియేటర్లలోకి రానుంది.
విడుదలకు ఒక రోజు ముందు అంటే… ఆగ‌స్ట్ 14న ఈ సినిమా పెయిడ్ ప్రీమియ‌ర్స్‌ను ప్ర‌ద‌ర్శించ‌నున్నారు. యంగ్ టైగర్ ఎన్టీఆర్ బావమరిది నార్నే నితిన్ ఈ సినిమాలో హీరో అనే విషయం తెలిసిందే. ఈ సినిమాతో మరో హిట్‌ ని తన ఖాతాలో వేసుకుంటాననే ధీమాని హీరో నార్నే నితిన్ వ్యక్తం చేస్తున్నారు. ఏస్ ప్రొడ్యూసర్ అల్లు అరవింద్ సమర్పణలో రూపొందుతోన్న ఈ సినిమాకు కిరణ్ కుమార్ మన్నె ఆర్ట్ డైరెక్టర్‌గా, సమీర్ కళ్యాణి సినిమాటోగ్రాఫర్‌గా, రామ్ మిర్యాల సంగీత దర్శకుడిగా వర్క్ చేశారు.
Also Read : Venu Swamy : నాగ చైతన్య, శోభిత లపై కీలక వ్యాఖ్యలు చేసిన వేణు స్వామి