Arbaaz Khan : బాలీవుడ్ నటుడు అర్బాజ్ ఖాన్(Arbaaz Khan) గురించి కొత్తగా పరిచయం అక్కర్లేదు. సల్మాన్ కి తమ్ముడిగా బి టౌన్ లో కెరీర్‌ని ప్రారంభించాడు, కానీ హీరోగా విజయం సాధించలేకపోయాడు. ఆ తర్వాత హిందీలో విలన్‌గా నటించి క్యారెక్టర్ ఆర్టిస్ట్‌గా తన సత్తా చాటాడు. తెలుగులో మెగాస్టార్ చిరంజీవి నటించిన ‘జై చిరంజీవ’ చిత్రంలో విలన్‌గా నటించారు. ఆ తర్వాత రాజ్ తరుణ్ ప్రధాన పాత్రలో ‘కిట్టుగాడు’ చిత్రంలో నటించాడు. ఆ తర్వాత మలయాళంలో మోహన్ లాల్ హీరోగా నటించిన బిగ్ బ్రదర్ లో ప్రధాన పాత్ర పోషించాడు, తాజాగా మరో తెలుగు సినిమాకు సైన్ చేశాడు.
Arbaaz Khan Movie Updates
యంగ్ హీరో అశ్విన్ బాబు హీరోగా మహేశ్వర్ రెడ్డి మూలి నిర్మాణంలో గంగా ఎంటర్టైన్మెంట్స్ ప్రొడక్షన్ నెం.1 లో యాక్ట్ చేయనున్నాడు. ప్రస్తుతం ఈ సినిమా షూటింగ్ జరుగుతున్న విషయం తెలిసిందే. అప్సర్ దర్శకత్వం వహించిన ఈ చిత్రంతో బాలీవుడ్ నటుడు అర్బాజ్ ఖాన్ ఇటీవలే ఎంట్రీ ఇచ్చాడు.
చాలా ఏళ్ల తర్వాత మళ్లీ తెలుగు సినిమాలో నటించడం ఆనందంగా ఉందని అర్బాజ్ అన్నారు. గంగా ఎంటర్‌టైన్‌మెంట్‌లో ప్రొడక్షన్ 1లో తెరకెక్కనున్న మరో కథలో భాగమైనందుకు ఆనందంగా ఉందన్నారు. ఈ సందర్భంగా చిత్ర నిర్మాత ‘మహేశ్వర్‌రెడ్డి’ మాట్లాడుతూ.. గంగా ఎంటర్‌టైన్‌మెంట్‌ సంస్థ తొలి ప్రొడక్షన్‌లో అర్బాజ్‌ఖాన్‌తో కలిసి పనిచేయడం గౌరవంగా భావిస్తున్నానన్నారు. కొత్త కథ, కొత్త కథాంశంతో తెరకెక్కిన కొత్తతరం సినిమా ఇది.
అర్బాజ్ పాత్ర చాలా బాగుంటుంది. త్వరలో ప్రారంభం కానున్న కొత్త షెడ్యూల్‌తో ఆయన సెట్‌పైకి రానున్నారు. ప్రతిభావంతులైన నటీనటులు, సాంకేతిక నిపుణులతో ఈ చిత్రాన్ని తీశామన్నారు. మరిన్ని వివరాలు త్వరలో వెల్లడిస్తామన్నారు. ఈ చిత్రంలో అశ్విన్ బాబు సరసన దిగంగనా సూర్యవంశీ నటిస్తుండగా, ‘హైపర్’ ఆది, తమిళ నటుడు సాయి దిన ప్రధాన పాత్రలు పోషిస్తున్నారు.
Also Read : Jai Hanuman : రాముడు ఆంజనేయుడు పాత్రలకు తెరపైకి వచ్చిన అగ్ర హీరోల పేర్లు