‘భాగమతి 2’ గా అనుష్క
Anuskha : సూపర్, మిర్చి, విక్రమార్కుడు, బిల్లా, ఖలేజా వంటి గ్లామర్ పాత్రలే కాదు బాహుబలి, అరుంధతి, రుద్రమదేవి, భాగమతి వంటి లేడీ ఓరియెంటెడ్ గెటప్ తో ప్రేక్షకులను మంత్ర ముగ్ధులను చేసిన టాలీవుడ్ అగ్రకధానాయకి అనుష్క(Anuskha) శెట్టి పుట్టిన రోజు సందర్భంగా తన యాభైవ సినిమాను ప్రకటించనుంది. అనుష్క ప్రధాన పాత్రలో ప్రముఖ దర్శకుడు జి.అశోక్ దర్శకత్వంలో యూవీ క్రియేషన్స్ నిర్మించిన 2018లో విడుదల చేసిన సస్పెన్ష్, థ్రిల్లర్ సినిమా ‘భాగమతి’. తెలుగులో, తమిళ భాషల్లో ‘భాగమతి’గా హిందీలో ‘దుర్గామతి’ గా విడుదలయిన ఈ సినిమా బాక్సాఫీసు ముందు కలెక్షన్ల వర్షం కురిపించడంతో పాటు లేడీ ఓరియెంటెడ్ పాత్రల్లో అనుష్కకు తిరుగులేదని నిరూపించింది.
ఇటీవల విడుదలయిన ‘మిస్‌శెట్టి మిస్టర్‌ పొలిశెట్టి’లో అన్విత పాత్రలో అభిమానుల హృదయాల్ని గెలుచుకున్న స్వీటి… మరల లేడీ ఓరింయెంటెడ్ పాత్రకు సిద్ధమవుతోంది. తన యాభైవ సినిమాను ‘భాగమతి’కు కొనసాగింపుగా మరో సస్పెన్ష్, థ్రిల్లర్ మూవీగా అదే బ్యానర్ పై ‘భాగమతి 2’ గా చేయాలనుకుంది. దీనితో అనుష్క పుట్టిన రోజు సందర్భంగా చిత్ర యూనిట్ ‘భాగమతి 2’ను మంగళవారం (నవంబరు 7) న ప్రకిటించనున్నారు.
Anuskha Coming Movies
‘సూపర్’ సినిమాతో సినీరంగంలోకి అడుగుపెట్టిన అనుష్క.. అప్పటి నుంచి ఇప్పటి వరకూ తిరుగులేని విజయాలను అందుకుని అగ్ర కథానాయకిగా కొనసాగుతోంది. సూపర్, మిర్చి, విక్రమార్కుడు, బిల్లా, ఖలేజా, సింగం సిరీస్, చింతకాయల రవి, సోగ్గాడే చిన్నినాయన వంటి గ్లామర్ పాత్రలతో పాటు బాహుబలి, అరుంధతి, రుద్రమదేవి, భాగమతి, నాగవళ్లి వంటీ లేడీ ఓరియెంటెడ్ సస్పెన్ష్, థ్రిల్లర్స్ సినిమాలతో ప్రేక్షకులను మెప్పించింది. బాహుబలిలో దేవసేన, అరుంధతిలో జేజెమ్మ పాత్రలు తన కెరీర్ లో బెస్ట్ గా నిలిచాయి. ‘వేదం’ సినిమాలో సరోజ పాత్రలో తన అందం, అభినయంతో యువతను ఉర్రూతలూగించింది. ‘సైజ్ జీరో’, ‘మిస్‌శెట్టి మిస్టర్‌ పొలిశెట్టి’ వంటి సినిమాలతో తన హార్డ్ వర్క్ ను కమిట్ మెంట్ ను నిరూపించింది. అగ్రకథానాయకులతో సరిసమానంగా పోటీపడుతూ.. చిత్రపరిశ్రమలో రెండు దశాబ్దాలు పూర్తి చేసుకోవడానికి రెండడుగుల దూరంలో ఉన్న అనుష్క తన యాభైవ చిత్రంగా సస్పెన్స్, థ్రిల్లర్ మూవీతో ‘భాగమతి 2’ ప్రేక్షకుల ముందుకు రాబోతుంది.
Also Read : Janhavi Kapoor : స్పెష‌ల్ సాంగ్ లో లవ్లీ బ్యూటీ