Animal: అర్జున్ రెడ్డి ఫేం సందీప్ రెడ్డి వంగా దర్శకత్వంలో రణ్బీర్ కపూర్, రష్మిక హీరోహీరోయిన్లుగా అనిల్ కపూర్, బాబీ డియోల్ ప్రధాన పాత్రలో తెరకెక్కించిన సినిమా ‘యానిమల్(Animal)’. టి-సిరీస్, భద్రకాళి పిక్చర్స్, సినీ1 స్టూడియోస్ సంయుక్తంగా యాక్షన్ ఎంటర్ టైనర్ గా నిర్మించిన ఈ సినిమా డిసెంబరు 1న విడుదలై పాజిటివ్ టాక్ ను సంపాదించింది. కలెక్షన్ల పరంగా ఈ సినిమా హీరో రణ్ బీర్ కపూర్ కెరీర్ లోనే బిగ్గెస్ట్ హిట్ గా నిలవగా… బాలీవుడ్ లో ‘జవాన్‌’, ‘పఠాన్‌’ల తర్వాత మూడో స్థానంలో నిలిచింది. బాక్సాఫీస్‌ వద్ద భారీ వసూళ్లు రాబట్టిన ఈ సినిమా ఓటీటీ రిలీజ్ కోసం సినీ ప్రియులు ఆత్రుతగా ఎదురుచూస్తున్నారు.
ఈ నేపథ్యంలోనే ‘యానిమల్’ ఓటీటీ(OTT) రిలీజ్‌పై చిత్ర దర్శకుడు సందీప్ రెడ్డి వంగా కీలకమైన సమాచారం అందించారు. ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌ వేదికగా ఇది స్ట్రీమింగ్‌ కానున్న ఈ సినిమాలో థియేటర్ ప్రింట్స్ లో లేని కొత్త సీన్లు యాడ్ చేసి ఓటీటీలో రిలీజ్ చేస్తున్నట్లు ఆయన ప్రకటించారు. దీనితో ఓటీటీ వెర్షన్ కోసం ‘యానిమల్’ అభిమానులు ఆశక్తిగా ఎదురుచూస్తున్నారు.
‘యానిమల్’ ఓటీటీ వెర్షన్ పై దర్శకుడు సందీప్ రెడ్డి వంగా మాట్లాడుతూ… ‘‘యానిమల్’ రన్‌టైమ్‌ మూడున్నర గంటలు. ఒత్తిడి కారణంగా థియేట్రికల్ వెర్షన్ లో సుమారు తొమ్మిది నిమిషాల సన్నివేశాలను కట్‌ చేయాల్సి వచ్చింది. దీనితో ఓటీటీ వెర్షన్ లో ఆ సన్నివేశాలను కలిపి విడుదల చేస్తాము. ప్రస్తుతం నేను నెట్‌ఫ్లిక్స్‌ వెర్షన్ కోసం ఎడిటింగ్‌ చేస్తున్నా. థియేటర్ కోసం తొలగించిన షాట్స్‌ను ఓటీటీ వెర్షన్‌కు యాడ్ చేస్తున్నా’’ అని ఆయన తెలిపారు.
Animal – ‘యానిమల్’ కథేమిటంటే !
స్వ‌స్తిక్ స్టీల్స్ అధినేత, దేశంలోనే సంప‌న్నుడైన బ‌ల్బీర్ సింగ్ (అనిల్ కపూర్) త‌న‌యుడు రణ్ విజ‌య్ (రణ్బీర్ సింగ్). ఎవ‌రినైనా స‌రే ధైర్యంగా ఎదిరించే ర‌కం. చిన్నతనం నుంచే నాన్నంటే చెప్ప‌లేనంత ప్రేమ. కానీ, బ‌ల్బీర్ సింగ్ వ్యాపారాల‌తో బిజీగా గ‌డుపుతూ కొడుకు రణ్ విజయ్‌ను ప‌ట్టించుకోడు. దూకుడు మ‌న‌స్త‌త్వ‌మున్న విజ‌య్ ప‌నులు తండ్రి బ‌ల్బీర్‌సింగ్‌కి న‌చ్చ‌వు. ఇద్ద‌రి మ‌ధ్య గొడ‌వ‌లు మొద‌ల‌వుతాయి. దాంతో త‌ను ప్రేమించిన గీతాంజ‌లి (రష్మిక)ని పెళ్లి చేసుకుని అమెరికా వెళ్లిపోతాడు. కొన్నేళ్ల తర్వాత తండ్రిపై హ‌త్యాయ‌త్నం జ‌రిగింద‌ని తెలియ‌డంతో హుటాహుటిన త‌న భార్య, పిల్ల‌ల‌తో ఇండియాకు వ‌స్తాడు. వ‌చ్చాక ఏం జ‌రిగింది? త‌న తండ్రిని హ‌త్య చేయాల‌నుకున్న శ‌త్రువుని విజ‌య్ ఎలా గుర్తించాడు? ఇంత‌కీ ఆ శత్రువు ఎవ‌రు? అత‌ని నుంచి కుటుంబాన్ని ఎలా కాపాడుకున్నాడు అనే అంశాలతో యాక్షన్ ఎంటర్ టైనర్ గా ‘యానిమల్’ ను తెరకెక్కించాడు దర్శకుడు సందీప్ రెడ్డి వంగా.
Also Read : Game Changer: చరణ్ అభిమానులకు షాక్ ఇచ్చిన దిల్ రాజు