టాలీవుడ్ లో అర్జున్ రెడ్డితో సెన్సేష‌న్ డైరెక్ట‌ర్ గా మారి పోయిన వంగా సందీప్ రెడ్డి ఇప్పుడు హాట్ టాపిక్ గా మారారు. త‌ను హిందీలో యానిమ‌ల్ పేరుతో సినిమా తీస్తున్నాడు. ఇందులో ప్ర‌ధాన పాత్ర‌ల‌లో ర‌ణ బీర్ క‌పూర్ , నేష‌న‌ల్ క్ర‌ష్ ర‌ష్మిక మంద‌న్నా న‌టిస్తుండ‌గా తండ్రి పాత్ర‌లో అనిల్ క‌పూర్ కీల‌కంగా ఉన్నారు. ఈ సినిమాపై భారీ అంచ‌నాలు నెల‌కొన్నాయి.
ఇటీవ‌లే సినిమాకు సంబంధించి టీజ‌ర్ రిలీజ్ చేశారు మూవీ మేక‌ర్స్. తాజాగా హువా మెయిన్ పేరుతో పాట‌ను విడుద‌ల చేశారు. దీనికి భారీ ఎత్తున ఆద‌ర‌ణ ల‌భిస్తోంది సోష‌ల్ మీడియాలో. ఈ సాంగ్ లో రొమాన్స్ ను పండించారు ర‌ణ బీర్ క‌పూర్ , ర‌ష్మిక మంద‌న్నా.
ప్రీత‌మ్ సంగీతం ఈ పాట‌కు అందించ‌గా మ‌నోజ్ ముంతాషిర్ శుక్లా రాశారు. తీవ్ర‌మైన ప్రేమ క‌థ‌ను ప్ర‌తిఫ‌లించేలా పాట‌ను చిత్రీక‌రించారు ద‌ర్శ‌కుడు వంగా సందీప్ రెడ్డి. అర్జున్ పాత్ర‌లో ర‌ణ బీర్, గీతాంజ‌లి పాత్ర‌లో ర‌ష్మిక న‌టించారు ఇందులో.
ఒక ప్రైవేట్ జెట్ లో ముద్దు పెట్టుకోవ‌డం ఇప్పుడు హాట్ టాపిక్ గా మారింది. ఇప్ప‌టికే హీట్ పుట్టిస్తున్న ఈ సాంగ్ విడుద‌ల‌య్యాక సినిమా ఇంకెంత రికార్డ్ బ్రేక్ చేస్తుందో చూడాలి.