Yash: ‘కేజీఎఫ్‌’ సిరీస్‌ విజయాల తర్వాత కన్నడ స్టార్ హీరో యశ్ పాన్ ఇండియా హీరో అయిపోయారు. ప్రస్తుతం యశ్ … ప్రముఖ మలయాళ దర్శకురాలు గీతు మోహన్ దాస్ దర్శకత్వం వహిస్తున్న ‘టాక్సిక్’ అనే పాన్ ఇండియా సినిమాలో నటిస్తున్నారు. కేవీఎన్‌ ప్రొడక్షన్స్‌ సంస్థ భారీ బ‌డ్జెట్‌తో నిర్మిస్తోన్న ఈ సినిమాలో లేడీ సూపర్ స్టార్ నయనతార, బాలీవుడ్ బ్యూటీ హ్యూమా ఖురేషి కీలక పాత్రలు పోషిస్తున్నారు. అభిమానులు ఎంతో ఆశక్తిగా ఎదురుచూస్తున్న ఈ సినిమాకు సంబంధించి ఓ ఇంట్రెస్టింగ్ అప్ డేట్ ఇచ్చింది చిత్ర యూనిట్.
Yash Visiting
కెజిఎఫ్ 2 బ్లాక్ బస్టర్ విజయం తర్వాత విరామం తీసుకున్న హీరో యశ్(Yash)… త‌ను న‌టించ‌బోతున్న టాక్సిక్ చిత్రం షూటింగ్ ను ఆగస్ట్ 8న బెంగళూరులో షూటింగ్ ప్రారంభించేందుకు ఫ్లాన్ చేశారు. అయితే ఈ 8 నంబ‌ర్‌కు యశ్ కు ఓ ప్ర‌త్యేకత, బలమైన అనుబంధం ఉండ‌డం విశేషం. 8 అతని పుట్టిన తేదీ కాగా టాక్సిక్ సినిమా మొద‌టి అధికారిక ప్రకటన వెలువడింది అదే రోజు కావ‌డం గ‌మ‌నార్హం. కాగా టాక్సిక్ షూటింగ్ కు ముందు యశ్ ఈ రోజు తన భార్య రాధిక మరియు నిర్మాత వెంకట్ కె నారాయణతో కలిసి కర్ణాటకలోని పలు దేవాలయాలను సందర్శించి ప్ర‌త్యేక పూజ‌లు నిర్వ‌హిస్తున్నాడు, అన్న‌దానాలు చేస్తూ సామాన్యుడిలా అంద‌రితో కలిసి భోజ‌నం చేశారు. ఇందుకు సంబంధించిన ఫొటోలు ఇప్పుడు సోష‌ల్ మీడియాలో బాగా వైర‌ల్ అవుతున్నాయి. మీరూ చూసేయండి.
ఇదిలాఉండ‌గా ఈ ‘టాక్సిక్’ సినిమా కీలక భాగం యూకేలో చిత్రీకరించనున్నారని ఇందు కోసం దాదాపు 150రోజులకు పైగా సుదీర్ఘ షెడ్యూల్‌ను ప్లాన్ చేసిన్నట్లు వార్తలొస్తున్నాయి. అయితే 2013లో ఓటీటీలో విడుద‌లై మంచి రెస్పాన్స్ ద‌క్కించుకున్న ఆంగ్ల సిరీస్‌ ‘పీకీ బ్లైండర్స్‌’ ప్రేరణతో దర్శకురాలు గీతూ ఈ కథను సిద్థం చేసినట్లు ప్రచారం జరుగుతోంది. ఇందులో యశ్ గ్యాంగ్‌స్టర్‌గా కనిపించనుండ‌గా వచ్చే ఏడాది ఏప్రిల్‌ 10న విడుదల చేసేందుకు ప్లాన్ చేస్తున్నారు.
Also Read : Salman Khan: సల్మాన్ ఖాన్‌ ఇంటిపై కాల్పుల కేసులో నిందితుల బెయిల్ పిటిషన్ !