Vidyut Jamwal: ప్రముఖ బాలీవుడ్ నటుడు విద్యుత్ జమ్వాల్… అభిమానులకు షాక్ ఇచ్చారు. కొద్దిరోజుల క్రితం హిమాలయాలకు వెళ్ళిన విద్యుత్ జమ్వాల్… తిరుగు ప్రయాణంలో తన పుట్టిన రోజు సందర్భంగా సోషల్ మీడియా వేదికగా ఫోటోలను పోస్ట్ చేసారు. అయితే ఆ ఫోటోల్లో విద్యుత్… నగ్నంగా ఉండటం అభిమానులు, నెటిజన్లతో పాటు గూగుల్ కూడా షాక్ అయ్యింది. తెలుగు, తమిళ భాషల్లో విలన్ రోల్స్ తో ప్రేక్షకులను మెప్పించి… బాలీవుడ్ లో హీరోగా కొనసాగుతున్న విద్యుత్… సోషల్ మీడియాలో తన న్యూడ్ ఫోటోలు పోస్ట్ చేయడంపై నెటిజన్ల నుండి భిన్నాభిప్రాయాలు వ్యక్తమవుతున్నాయి.
Vidyut Jamwal – న్యూడ్ ఫోటోలు ఎందుకు పెట్టాడంటే
కొందరు సెలబ్రెటీలు తమ పుట్టినరోజును కుటుంబ సభ్యులు, స్నేహితులు, బంధువులతో కలిసి అట్టహాసంగా సెలబ్రేట్‌ చేసుకుంటారు. మరికొందరు పార్టీలకు, సెలబ్రేషన్స్‌కు దూరంగా ఎవ్వరికీ అందుబాటులో లేకుండా అజ్ఞాతంలోనికి వెళ్ళిపోతారు. ఇలా అజ్ఞాతంలోనికి వెళ్ళిపోయేవారిలో బాలీవుడ్ హీరో విద్యుత్ జమ్వాల్(Vidyut Jamwal) ఒకరు. ఫిట్‌నెస్‌కు అధిక ప్రాధాన్యమిచ్చే విద్యుత్… ప్రకృతి చెంతన గడిపేందుకు ఎక్కువగా ఇష్టపడతారు. ఆ క్రమంలోనే ఆయన ప్రతీ ఏటా హిమాలయాలకు వెళ్తారు. అయితే ఇటీవల హిమాలయాలకు వెళ్ళిన విద్యుత్… తిరుగు ప్రయాణంలో తన పుట్టిన రోజు సందర్భంగా పలు ఫోటోలను సోషల్ మీడియాలో పోస్ట్ చేసారు. అయితే అందులో ఆయన నగ్నంగా కనపడడం అందరినీ ఆశ్చర్యానికి గురిచేసింది. విద్యుత్ పోస్ట్ చేసిన ఫోటోల్లో ఆయన ఒంటిపై నూలు పోగు లేకుండా నదిలో ధ్యానం చేయడం, ఓ చెట్టుకింద వంట చేసుకోవడం కనిపించింది. ప్రస్తుతం ఈ ఫోటోలు సోషల్ మీడియాలో వైరల్ గా మారుతున్నాయి.
హిమాలయాల పర్యటనతో పాటు తన ఫిట్ నెస్ కు సంబంధించిన పలు విషయాలను ఈ సందర్భంగా ఆయన వెల్లడించారు. ‘‘హిమాలయాల పర్యటన 14 ఏళ్లుగా ఇలా గడపడం నా జీవితంలో భాగమైంది. ఏడాదిలో 7-10 రోజులు ఇక్కడ సంచరిస్తుంటా. విలాసవంతమైన జీవితం నుంచి బయటకు వచ్చి ప్రకృతికి దగ్గరైతే నా గురించి నేను తెలుసుకునే అవకాశం లభిస్తుంది. ఇలా నేనెవరో.. నా బలాబలాలేంటో పరిశీలించుకునే క్రమాన్ని బాగా ఇష్టపడతా. నా కంఫర్ట్‌ జోన్‌ నుంచి బయటకురావడం నాకు సౌకర్యంగానే ఉంటుంది. నేచుర్‌ ఫ్రీక్వెన్సీకి నేను ట్యూన్‌ అవుతా. నన్ను నేను ప్రకృతి శక్తిని గ్రహించే యాంటీనాగా ఊహించుకుంటా. ఇతరులకు ఆనందం, ప్రేమను పంచుతుంటా. నాకు కావాల్సిన శక్తిని ఆ ప్రకృతి చెంతన తీసుకుని, ఆ తర్వాత ఇంటికి తిరిగి వస్తా. అనుభవపూర్వకంగానే ఏకాంతం, ప్రకృతి గొప్పదనం గురించి తెలుస్తుంది. కొత్త అధ్యాయానికి నేను సిద్ధంగా ఉన్నా.
నా కొత్త సినిమా ‘క్రాక్‌’ 2024 ఫిబ్రవరి 23న విడుదలవుతుంది’’ అని విద్యుత్ జమ్వాల్(Vidyut Jamwal) పోస్ట్‌లో పేర్కొన్నారు. దీనిపై దర్శకుడు రామ్‌గోపాల్‌ వర్మ స్పందించారు. ‘‘గ్రీకు దేవుడిలా కనిపిస్తున్నారు. మీకు సెల్యూట్‌’’ అని ‘ఎక్స్‌’ వేదికగా పేర్కొన్నారు. విద్యుత్ పోస్ట్‌పై పలువురు నెటిజన్లు భిన్నాభిప్రాయాలు వ్యక్తం చేస్తున్నారు.
శక్తితో టాలీవుడ్ లో ఎంట్రీ… కమాండో తో బాలీవుడ్ లో సెటిల్
ఈ బాలీవుడ్ హీరో తెలుగు చిత్రం ‘శక్తి’ తో తెరంగేట్రం చేశారు. ఎన్టీఆర్‌ హీరోగా తెరకెక్కిన ఈ సినిమాలో విద్యుత్(Vidyut Jamwal) విలన్ గా మెప్పించారు. ఆ తర్వాత ఇదే కాంబినేషన్‌లో ‘ఊసరవెల్లి’ వచ్చింది. ‘బిల్లా 2’, ‘తుపాకి’ తదితర సినిమాల్లోనూ విలన్‌గా నటించి కోలీవుడ్‌లో క్రేజ్‌ సంపాదించుకున్నారు. ‘ది పవర్‌’, ‘కమాండో 2’, ‘కమాండో 3’ తదితర హిందీ చిత్రాల్లో హీరోగా సుస్థిర స్థానం సంపాదించుకున్నారు.
Also Read : Redin Kingsle: పెళ్ళి పీటలెక్కిన ప్రముఖ కమెడియన్