Matka : వరుణ్ తేజ్ హీరోగా కరుణ కుమార్‌ దర్శకత్వంలో తెరకెక్కిన చిత్రం ‘మట్కా(Matka)’ మీనాక్షి చౌదరి కథానాయిక. శనివారం విడుదలైన ట్రైలర్ యూట్యూబ్‌ ట్రెండింగ్‌ అవుతోంది. ఓవరాల్‌గా ప్రథమ స్థ్థానంలో దూసుకెళ్తోంది. దీనిపై వరుణ్ తేజ్ స్పందించారు. ‘‘ మా ట్రైలర్‌పై విశేష స్పందన కనబరిచిన ప్రేక్షకులకు ధన్యవాదాలు. మీకు ఈ చిత్రాన్ని అందించేందుకు మేము ఎంతగానో ప్రయత్నిస్తున్నాం. నవంబర్‌ 14న థియేటర్లలో కలుద్దాం’’ అని అన్నారు. అగ్ర కథానాయకుడు వెంకటేశ్‌ ట్రైలర్ ఎక్స్‌లెంట్‌గా ఉందని చిత్ర బృందాన్ని ప్రశంసించారు. వరుణ్‌తేజ్‌కు, టీమ్‌కు అభినందనలు తెలిపారు.
Matka Movie Trailer Updates
ఈ ట్రైలర్‌పై దర్శకుడు సందీప్‌ రెడ్డి వంగా కూడా మాట్లాడారు. ‘‘ ఇంటెన్సిఫైడ్‌ ట్రైలర్. వరుణ్.. నువ్వు చాలా పవర్‌ఫుల్‌గా కనిపిస్తున్నావు. నటుడిగా నీలోని కొత్త యాంగిల్‌ను చూసేందుకు ఆసక్తిగా ఎదురుచూస్తున్నా. కంగ్రాట్స్‌ కరుణ కుమార్‌. టీమ్‌ అందరికి ఆల్‌ ది బెస్ట్‌’’ అని అన్నారు. ‘‘ వరుణ్ బాబు.. కిల్లర్‌ ట్రైలర్.. నువ్వు అద్భుతంగా ఉన్నావు. తన అతిపెద్ద గ్యాంబ్లింగ్‌తో తప్పకుండా అందరిని అలరిస్తాడని నమ్ముతున్నా. సినిమా కోసం ఎదురుచూస్తున్నా’’ అని సాయిదుర్గ తేజ్ పోస్ట్‌లో పేర్కొన్నారు.
‘పలాస 1978’, ‘శ్రీదేవి సోడా సెంటర్‌’ సినిమాలతో అలరించారు దర్శకుడు కరుణ కుమార్‌. తాజాగా ఆయన దర్శకత్వం వహించిన చిత్రమిది. పీరియాడిక్‌ డ్రామాగా సిద్థమైంది. వరుణ్ నాలుగు భిన్నమైన గెటప్పుల్లో కనువిందు చేయనున్నారు. రతన్‌ ఖత్రి అనే గ్యాంబ్లర్‌ స్టోరీని ఆధారంగా చేసుకొని ఫిక్షనల్‌ కథ సిద్థం చేశామని దర్శకుడు చెప్పారు. ‘‘ వాసు అనే వ్యక్తి ప్రయాణమే ఈ కథ. 1958లో చిన్నతనంలోనే శరణార్థిగా బర్మా నుంచి వైజాగ్‌కు వస్తాడు. అక్కడి నుంచి ఒక్కో మెట్టు ఎక్కుతూ ‘మట్కా’ కింగ్‌లా ఎలా మారాడనేది కథ’’ అని వరుణ్ తేజ్ ట్రైలర్ విడుదల కార్యక్రమంలో తెలిపారు.
Also Read : Kangana Ranaut : కంగనా ‘ఎమర్జెన్సీ’ సినిమా రిలీజ్ పై అంతర్జాతీయ ఎఫెక్ట్